ഇന്ദ്രജിത്തും നൈല ഉഷയും ഒന്നിക്കുന്നു; കുഞ്ഞമ്മിണീസ് ഹോസ്പിറ്റലിന്റെ ടൈറ്റിൽ പോസ്റ്റർ പുറത്തുവിട്ട്‌ സുരേഷ് ഗോപി

കൊച്ചി: ഇന്ദ്രജിത്തും നൈല ഉഷയും കേന്ദ്ര കഥാപാത്രമായി എത്തുന്ന ചിത്രം കുഞ്ഞമ്മിണീസ് ഹോസ്പിറ്റലിന്റെ ടൈറ്റിൽ പോസ്റ്റർ പുറത്തുവിട്ടു . സുരേഷ് ഗോപിയാണ് ഔദ്യോഗിക ഫേസ്ബുക്ക് പേജിലൂടെ ചിത്രത്തിന്റെ പോസ്റ്റർ പുറത്ത് വിട്ടത്. ടൈറ്റിൽ പോസ്റ്റർ ഇതിനോടകം തന്നെ സമൂഹമാദ്ധ്യമങ്ങിൽ ശ്രദ്ധ നേടി കഴിഞ്ഞു.ചിത്രത്തിന്റെ പൂജ ഇന്ന് നടത്തിയിരുന്നു

സിനിമാസിന്റെ ബാനറിൽ സനൽ വി ദേവനാണ് ചിത്രം സംവിധാനം ചെയ്യുന്നത്. ബാബു രാജ്,പ്രകാശ് രാജ്, സരയു മോഹൻ , എന്നിവരും കേന്ദ്ര കഥാപാത്രമായി സിനിമയിൽ എത്തുന്നുണ്ട്.

സന്തോഷ് ത്രിവിക്രമൻ നിർമ്മിക്കുന്ന ചിത്രത്തിന്റെ കഥയും തിരക്കഥയും ഒരുക്കിയിരിക്കുന്നത് അഭയ കുമാർ കെയും ,അനിൽ കുര്യനുമാണ്.ഒരു ആശുപത്രിയുടെ പശ്ചാത്തലത്തിൽ ഒരുങ്ങുന്ന ചിത്രമാണ് കുഞ്ഞമ്മിണീസ് ഹോസ്പിറ്റൽ.

നിവിൻ പോളിയെ കേന്ദ്ര കഥാപാത്രമാക്കി രാജീവ് രവി ഒരുക്കുന്ന തുറമുഖമാണ് ഇന്ദ്രജിത്തിന്റെ പുറത്തിറങ്ങാൻ ഇരിക്കുന്ന ചിത്രം.