ന്യൂഡല്ഹി: നഗരത്തില് അഗ്നിശമനസേനയുടെ രക്ഷാപ്രവര്ത്തനങ്ങള് ലളിതമാക്കാനായി രണ്ട് റോബോട്ടുകളെ അവതരിപ്പിച്ച് ഡല്ഹി സര്ക്കാര്. റൊബോട്ടുകളെ ഉപയോഗിക്കുന്നത് അഗ്നിശമനസേനാംഗങ്ങളുടെ തൊഴില് സാഹചര്യം മെച്ചപ്പെടുത്താന് കഴിയും.
ഇടുങ്ങിയ പ്രദേശങ്ങളിലും മനുഷ്യനു എത്തിചേരാന് കഴിയാത്ത പ്രദേശങ്ങളിലും ഇവയ്ക്ക് എത്താന് ആകും. ചൂട്,പുക തുടങ്ങിയ പ്രതികൂല സാഹചര്യങ്ങള് റൊബോട്ടുകളെ ബാധിക്കില്ല. വലിയ ഫാക്ടറികളിലും ഗോഡൗണുകളിലും തീപ്പിടുത്തം ഉണ്ടാകുമ്പോള് സേനയ്ക്ക് രക്ഷാപ്രവര്ത്തനം പെട്ടെന്ന് നടത്താന് കഴിഞ്ഞെന്ന് വരില്ല. ഇങ്ങനെയുള്ള സമയത്ത് റൊബോട്ടുകള് സഹായത്തിനെത്തും. ഏത് തരത്തിലുള്ള തീപിടുത്തമാണ് നടന്നതെന്നും എങ്ങനെയുള്ള രക്ഷാപ്രവര്ത്തനമാണ് അനിവാര്യമെന്നും തിരിച്ചറിഞ്ഞ് പ്രവര്ത്തിക്കാന് ഇവയ്ക്ക് കഴിയും.
300 മീറ്റര് പരിധിയില് ഇതിന് പ്രവര്ത്തിക്കാനാകും. അഗ്നിശമനസേനാംഗങ്ങള് ദൂരെ നിന്ന് പ്രവര്ത്തനങ്ങള് ഏകോപനം നടത്തിയാല് മതിയാകും. റോബോട്ടുകളെ അയച്ച് അഗ്നിയുടെ വ്യാപ്തി മനസിലാക്കി ജനങ്ങള്ക്ക് മുന്നറിയിപ്പുകള് നല്കാനാകും. മിനിറ്റില് 2,400 ലിറ്ററിലധികം മര്ദ്ദത്തിലുള്ള വെള്ളം വഹിക്കാനുള്ള ശേഷി ഇവയ്ക്കുണ്ട്. ഇതില് ഘടിപ്പിച്ചിരിക്കുന്ന വയര്ലെസ് റിമോട്ട് വഴി അഗ്നിശമനസേനാംഗത്തിന് വെള്ളത്തിന്റെ അളവ് നിശ്ചയിക്കാവുന്നതാണ്.
പ്ലാസ്റ്റിക് തരംതിരിക്കുന്ന ഗോഡണില് തീപിടുത്തം ഉണ്ടായത് പോലെയുള്ള സന്ദര്ഭങ്ങളില് ഉപകാരപ്രദമാകുമെന്ന് ഡല്ഹി അഗ്നിശമനസേന ഡയറക്ടര് അതുല് ഗാര്ഗ് പറഞ്ഞു. 27 പേരുടെ മരണത്തിന് ഇടയാക്കിയ കെട്ടിട തീപിടുത്തതിന് ശേഷമാണ് സര്ക്കാര് ഇത്തരത്തില് റോബോട്ടുകളെ അവതരിപ്പിച്ചത്.
Comments