സ്റ്റോക്ഹോം: ജാവലിനിൽ ഇന്ത്യയുടെ ഒളിമ്പിക്സ് സ്വർണ്ണമെഡൽ ജേതാവ് നീരജ് ചോപ്ര ദേശീയ റെക്കോഡ് തിരുത്തിയ പ്രകടനത്തോടെ തൊണ്ണൂറ് മീറ്ററിനരികെ. സ്റ്റോക്ഹോം ഗെയിംസിൽ 89.94 മീറ്ററിലേയ്ക്ക് ജാവലിൻ പായിച്ച നീരജ് ചോപ്ര ദേശീയ റെക്കോഡും തകർത്താണ് വെള്ളി മെഡൽ നേടിയത്.
ഗെയിംസിൽ 90.31 മീറ്റർ എറിഞ്ഞ ഗ്രാനഡയുടെ ആൻഡേഴ്സൺ പീറ്റേഴ്സാണ് സ്വർണ്ണം നേടിയത്. ഒരു മാസത്തിനിടെ അന്താരാഷ്ട്ര വേദികളിൽ മൂന്നാം മെഡലാണ് നീരജ് സ്വന്തമാക്കിയിരിക്കുന്നത്.
ഇന്നലെ നടന്ന പോരാട്ടത്തിൽ ആദ്യ ശ്രമത്തിൽ തന്നെ 89.94 മീറ്റർ പിന്നിട്ടുകൊണ്ടാണ് നീരജ് ദേശീയ റെക്കോർഡിട്ടത്. സീസണിൽ പാവോ നൂർമി ഗെയിംസിൽ കുറിച്ച 89.30 മീറ്ററിന്റെ നേട്ടവും മറികടക്കാൻ ധീരജിനായി. മത്സരത്തിൽ 89.08 മീറ്റർ ദൂരം താണ്ടിയ ജർമ്മനിയുടെ ജൂലിയൻ വെബ്ബർ മൂന്നാം സ്ഥാനത്തെത്തി.
Comments