മലേഷ്യ ഓപ്പൺ : സിന്ധുവും പ്രണോയിയും ക്വാർട്ടറിൽ

ക്വാലാലംപൂർ: മലേഷ്യ ഓപ്പണിൽ ഇന്ത്യൻ വനിതാ പുരുഷ താരങ്ങൾക്ക് മുന്നേറ്റം. പി.വി.സിന്ധുവും മലയാളി താരം എസ്.എച്ച്. പ്രണോയിയും ക്വാർട്ടറിൽ കടന്നു.

ലോക ഏഴാം നമ്പറായ പി.വി.സിന്ധു തായ്‌ലാന്റിന്റെ ഫിറ്റായ പോണിനെ 19-21, 21-9, 21-14നാണ് തകർത്തത്. ആദ്യ ഗെയിം 19-21 കൈവിട്ടശേഷം കണ്ണടച്ചുതുറക്കുമുന്നേ എതിരാളിയെ നിഷ്പ്രഭമാക്കിയാണ് സിന്ധു രണ്ടാം മത്സരം 21-9ന് കയ്യിലാക്കിയത്. ചൈനയുടെ തായി സൂ യിംഗാണ് ക്വാർട്ടറിൽ സിന്ധുവിന്റെ എതിരാളി.

ചൈനീസ് തായ് പേയുടെ ചോ തീൻ ചെന്നിനെയാണ് പ്രണോയ് തോൽപ്പിച്ചത്. 21-15, 21-7ന് അനായാസമാണ് പ്രണോയ് എതിരാളിയെ തോൽപ്പിച്ചത്. ഇന്തോനേഷ്യയുടെ ജോനാഥൻ ക്രിസ്റ്റിയാണ് ക്വാർട്ടറിൽ എതിരാളി.