സ്റ്റോക്ഹോം: പോൾവോൾട്ടിൽ ലോകറെക്കോഡ് തിരുത്തിക്കുറിച്ച് അർമാന്റ് ഡ്യൂപ്ലാന്റിസ്. സ്റ്റോക്ഹോമിലെ ഡയമണ്ട് ലീഗ് ഗെയിംസിലാണ് ഡ്യൂപ്ലാന്റിസ് ഔട്ട്ഡോർ വിഭാഗത്തിൽ 6.16 മീറ്റർ ഉയരം കീഴടക്കിയത്. അമേരിക്കൻ താരം തന്റെ തന്നെ നേട്ടമാണ് മറികടന്നത്. ആദ്യ ശ്രമത്തിൽ 5.93 ഉം രണ്ടാം പരിശ്രമത്തിൽ 6.03 മീറ്ററും താണ്ടിയ ഡ്യൂപ്ലാന്റിസ് മൂന്നാം പരിശ്രമത്തിലാണ് 2020ൽ റോമിലെ നേട്ടം മറികടന്നത്.
‘ഇന്ന് എന്തെങ്കിലും ഒരു പുതുമ ലോകത്തിന് സമ്മാനിക്കണമെന്നുണ്ടായിരുന്നു. അത് സാധിച്ചിരിക്കുന്നു. മുൻപ് മറികടന്ന 6.15 മീറ്ററാണ് മെച്ചപ്പെടുത്താനായത്.’ ഡ്യൂപ്ലാന്റിസ് പറഞ്ഞു.
ഇൻഡോർ വിഭാഗത്തിൽ 6.20മീറ്റർ മറികടന്ന ലോകറെക്കോഡും ഡ്യൂപ്ലാന്റിസിന്റെ പേരിലാണ്. കഴിഞ്ഞ മാർച്ചിലാണ് ബെൽഗ്രേഡിൽ ഡ്യൂപ്ലാന്റിസ് ഔട്ട്ഡോർ ഇനത്തിൽ ലോകറെക്കോഡ് നേടിയത്.
Comments