ഞാനും ഒരു ഹിന്ദുവാണ്; സത്യം പറയാതിരിക്കാം, ദയവു ചെയ്ത് കൊല്ലരുത്; കനയ്യലാലിന്റെ കൊലപാതകത്തിൽ പ്രതിഷേധവുമായി വ്യാപാരികൾ

മൈസൂരു: ഉദയ്പൂരിൽ ഇസ്ലാമിക തീവ്രവാദികൾ കൊലപ്പെടുത്തിയ കനയ്യലാലിന് പിന്തുണ പ്രഖ്യാപിച്ച് മൈസൂരുവിലെ വ്യാപാരികൾ. കനയ്യലാലിന് ഐക്യദാർഢ്യം പ്രഖ്യാപിച്ചും, കൊലപാതകത്തെ അപലപിച്ചുമാണ് പോസ്റ്റർ ക്യാമ്പെയ്ൻ ആരംഭിച്ചത്. ‘ ഞാനും ഒരു ഹിന്ദുവാണ്…. ഞങ്ങളുടെ ജീവനെടുക്കരുത്… ഞങ്ങൾ സത്യം സംസാരിക്കാതിരിക്കാം….. എന്റെ കുടുംബം എന്നെ ആശ്രയിച്ചാണ് ജീവിക്കുന്നത്’ തുടങ്ങിയ വാചകങ്ങളാണ് പോസ്റ്ററിൽ കുറിച്ചിരിക്കുന്നത്. ഹിന്ദുക്കൾക്കെതിരെ വർദ്ധിച്ച് വരുന്ന ആക്രമണങ്ങളിൽ പ്രതിഷേധിച്ചാണ് പ്രദേശത്തെ ഹിന്ദുകച്ചവടക്കാരെല്ലാം ഇത്തരമൊരു പോസ്റ്റർ കടകൾക്ക് മുന്നിൽ പതിച്ചത്.

ഉദയ്പൂർ വിഷയത്തിൽ ശക്തമായ നടപടി സ്വീകരിക്കണമെന്നും ഇവർ ആവശ്യപ്പെടുന്നു. കഴിഞ്ഞ മാസം 28നാണ് ഇസ്ലാമിക തീവ്രവാദികൾ കനയ്യലാലിന്റെ കഴുത്തറുത്ത് കൊന്നത്. ഉദയ്പൂരിൽ തയ്യൽ കട നടത്തിവരികയായിരുന്നു കനയ്യ ലാൽ. നുപൂർ ശർമ്മയെ സമൂഹമാദ്ധ്യമത്തിൽ അനുകൂലിച്ചതിന്റെ പേരിലാണ് ഇസ്ലാമിക തീവ്രവാദികൾ അദ്ദേഹത്തെ കൊലപ്പെടുത്തിയത്. റിയാസ് അക്താരി, ഗൗസ് മുഹമ്മദ് എന്നിവരാണ് കൊലപാതകം നടത്തിയത്. അടുത്ത മാസം 13 വരെ പ്രതികളെ കസ്റ്റഡിയിൽ വിട്ടിരിക്കുകയാണ്.

Hindu Vendors in Karnataka holding placard to register protest against Udaipur Incident

"I won't speak the Truth, won't stand in support of people who do it, I am poor, My family is dependent on me, Do not Kill us" pic.twitter.com/lGzd8miPJ9

— Wali ವಾಲಿ (@Netaji_bond_) June 30, 2022