ലക്‌നൗ: അയോദ്ധ്യയിലെ ക്ഷേത്ര പരിസരത്ത് യുവാവിന്റെ മൃതദേഹം കണ്ടെത്തി. ഭുവാപ്പൂർ ഗ്രാമവാസിയായ പങ്കജ് ശുക്ല (30) യെ ആണ് പ്രദേശത്തെ ഹനുമാൻ ക്ഷേത്ര പരിസരത്ത് കൊല്ലപ്പെട്ട നിലയിൽ കണ്ടത്. സംഭവത്തിൽ ഒരാളെ കസ്റ്റഡിയിൽ എടുത്തു.
കഴിഞ്ഞ ദിവസമായിരുന്നു സംഭവം. രാത്രി വീട്ടിൽ നിന്നും ഭക്ഷണം കഴിച്ച ശേഷം പ്രദേശത്തെ മറ്റൊരു ക്ഷേത്രത്തിലേക്ക് കാവൽ കിടക്കാൻ പോയതായിരുന്നു പങ്കജ്. രാവിലെ വീട്ടിലേക്ക് തിരികെയെത്താത്തിനെ തുടർന്ന് വീട്ടുകാർ നടത്തിയ തിരച്ചിലിലാണ് ഹനുമാൻ ക്ഷേത്രപരിസരത്തു നിന്നും മൃതദേഹം കണ്ടെടുത്തത്.
കഴുത്തറുത്ത നിലയിൽ ആയിരുന്നു മൃതദേഹം. സംഭവവുമായി ബന്ധപ്പെട്ട് പങ്കജ് ശുക്ലയുടെ മാതൃസഹോദരന്റെ മകനാണ് പിടിയിലായിട്ടുള്ളത്.
