തിരുവനന്തപുരം: അച്ചടക്ക നടപടിയിന്മേൽ ഷമ്മി തിലകനോട് ‘അമ്മ’ വിശദീകരണം തേടി. അമ്മ നൽകിയ ചോദ്യങ്ങൾക്ക് കൃത്യമായ മറുപടി നൽകിയിട്ടുണ്ടെന്ന് ഷമ്മി തിലകൻ പറഞ്ഞു. അച്ചടക്ക സമിതിക്ക് മുന്നിൽ ഓൺലൈനായി ഹാജരാകാമെന്ന് അറിയിച്ചതായി ഷമ്മി തിലകൻ വ്യക്തമാക്കി.
അമ്മയുടെ യോഗം മൊബൈൽ ഫോണിൽ പകർത്തി എന്നതായിരുന്നു വിശദീകരണം തേടുന്നതിനുള്ള പ്രധാന കാരണം. ഷമ്മി തിലകനോട് വിശദീകരണം തേടുമെന്ന് കഴിഞ്ഞ ദിവസം നടന്ന വാർത്താ സമ്മേളനത്തിലും അമ്മ ഭാരവാഹികൾ അറിയിച്ചിരുന്നു.
ഷമ്മി ഇപ്പോഴും താരസംഘടനയിലെ അംഗമാണ്. ജനറൽ ബോഡിക്ക് പുറത്താക്കാൻ അധികാരമില്ല. കഴിഞ്ഞ കുറച്ച് നാളുകളായി സോഷ്യൽ മീഡിയയിലൂടെയും വാർത്താ മാദ്ധ്യമങ്ങളിലൂടെയും അദ്ദേഹം സംഘടനയ്ക്കെതിരെ പറഞ്ഞിട്ടുണ്ട്. അതിൽ അമ്മ അംഗങ്ങൾക്ക് ശക്തമായ പ്രതിഷേധവുമുണ്ട്. വിശദീകരണം തേടിയ ശേഷം എക്സിക്യൂട്ടീവ് കമ്മിറ്റി നടപടികൾ സ്വീകരിക്കുമെന്നും ഭാരവാഹികൾ പറഞ്ഞിരുന്നു.
Comments