കണ്ണൂർ: ഗതാഗത മന്ത്രി ആന്റണി രാജുവിന്റെ പരിപാടി ബഹിഷ്കരിച്ച് ട്രേഡ് യൂണിയനുകൾ. യൂണിയനുകൾക്കെതിരായ മന്ത്രിയുടെ പ്രസ്താവനയിൽ പ്രതിഷേധിച്ചാണ് പരിപാടി ബഹിഷ്കരിച്ചത്. കണ്ണൂരിലെ പരിപാടിയിൽ നിന്നാണ് സിഐടിയു ഉൾപ്പെടെയുള്ള ട്രേഡ് യൂണിയനുകൾ വിട്ടു നിന്നത്.
കണ്ണൂരിലെ കെഎഎസ്ആർടിസി ഡിപ്പോ യാർഡിന്റെ ഉദ്ഘാടനത്തിനാണ് മന്ത്രി എത്തിയത്. എന്നാൽ ട്രേഡ് യൂണിയനുകൾ പരിപാടിയിൽ പങ്കെടുക്കേണ്ടെന്ന നിലപാട് സ്വീകരിക്കുകയായിരുന്നു.
അതേസമയം ബഹിഷ്കരണം ശ്രദ്ധയിൽപ്പെട്ടിട്ടില്ലെന്ന് പരിപാടിയ്ക്ക് ശേഷം ഗതാഗതമന്ത്രി പ്രതികരിച്ചു. ബഹിഷ്കരിക്കാനുള്ള അവകാശം തൊഴിലാളികൾക്കുണ്ട്. ട്രേഡ് യൂണിയനുകളെ അവഹേളിക്കുന്ന സമീപനം തന്റെ ഭാഗത്തു നിന്നും ഉണ്ടായിട്ടില്ലെന്നും മന്ത്രി വ്യക്തമാക്കി.
