എന്നെപ്പോലെ സിംഗിളായിരിക്കൂ, ജനസംഖ്യാ വർദ്ധനവിനെ ഒന്നിച്ച് ഇല്ലാതാക്കാം; സോഷ്യൽ മീഡിയയിൽ വീണ്ടും കൈയ്യടി നേടി നാഗാലാന്റ് മന്ത്രി

ന്യൂഡൽഹി : ചെറിയ കണ്ണിന്റെ ഗുണങ്ങൾ എണ്ണിപ്പറഞ്ഞുകൊണ്ട് നാഗാലാൻഡിലെ മന്ത്രിയായ തേമ്ജെൻ ഇംന അലോംഗ് സമൂഹമാദ്ധ്യ ശ്രദ്ധ നേടിയിരുന്നു. കുഞ്ഞിക്കണ്ണുകൾ, ചൈനീസ് കണ്ണുകൾ എന്ന് പറഞ്ഞ് വടക്ക് കിഴക്കൻ സംസ്ഥാനങ്ങളിലുള്ളവരെ പരിഹസിക്കുന്ന ആളുകളെ ലക്ഷ്യം വെച്ചായിരുന്നു ഹാസ്യരൂപേണയുള്ള മന്ത്രിയുടെ പരിഹാസം. ഇത് വൈറലായതിന് പിന്നാലെ വീണ്ടും ഇത്തരത്തിലുള്ള ട്വീറ്റുമായി രംഗത്തെത്തിയിരിക്കുകയാണ് മന്ത്രി. ലോക ജനസംഖ്യാ ദിനത്തിൽ ജനസംഖ്യാ നിയന്ത്രണത്തെപ്പറ്റിയാണ് മന്ത്രിയുടെ ട്വീറ്റ്.

On the occasion of #WorldPopulationDay, let us be sensible towards the issues of population growth and inculcate informed choices on child bearing.

Or #StaySingle like me and together we can contribute towards a sustainable future.

Come join the singles movement today. pic.twitter.com/geAKZ64bSr

— Temjen Imna Along (@AlongImna) July 11, 2022

ഈ ജനസംഖ്യാ ദിനത്തിൽ ജനസംഖ്യാ വർദ്ധനയുമായി ബന്ധപ്പെട്ട വിഷയങ്ങളിൽ നമുക്ക് സുബോധമുള്ളവരായിരിക്കുകയുംപുതുതലമുറയെ സൃഷ്ടിക്കുന്നതിൽ മുൻപ് മികച്ച രീതിയിൽ കുടുംബാസൂത്രണവും മറ്റും തിരഞ്ഞെടുക്കുകയും ചെയ്യാം എന്ന് അദ്ദേഹം ട്വിറ്ററിൽ കുറിച്ചു. അല്ലെങ്കിൽ തന്നെപ്പോലെ സിംഗിളായി ഇരുന്ന് സുസ്ഥിരമായ ഭാവിക്ക് വേണ്ടി നമുക്ക് ഒന്നിച്ച് സംഭാവന ചെയ്യാം എന്ന് അദ്ദേഹം പറഞ്ഞു. സിംഗിൾസ് മൂവ്‌മെന്റിൽ തന്നോടൊപ്പം ആർക്ക് വേണമെങ്കിലും ചേരാമെന്നും അദ്ദേഹം പറഞ്ഞു.

മന്ത്രിയുടെ ട്വീറ്റ് വൈറലായതോടെ പ്രതികരണവുമായി നിരവധി പേരാണ് രംഗത്തെത്തുന്നത്. താൻ അവിവാഹിതനായിരിക്കുന്നതിൽ ഇനി ആരും കുറ്റംകണ്ടുപിടിക്കേണ്ടെന്നും താൻ സിംഗിൾസ് മൂവ്‌മെന്റിലെ അംഗമാവും എന്നുമുള്ള പ്രതികരണങ്ങളാണ് മന്ത്രിയുടെ ട്വീറ്റിന് ലഭിക്കുന്നത്. സിംഗിളായിരിക്കുന്നവർക്ക് ഒരു നേതാവിനെ ലഭിച്ചുവെന്നും ചിലർ പറയുന്നു. സ്റ്റേ സിംഗിൾ, സ്റ്റേ ക്യൂട്ട് എന്ന് പറഞ്ഞുകൊണ്ട് ചിലർ മന്ത്രിയുടെ ചിത്രവും ട്വീറ്റ് ചെയ്തിട്ടുണ്ട്.

അതോടൊപ്പം തന്റെ പേര് ഗൂഗിളിൽ സെർച്ച് ചെയ്യുമ്പോൾ ലഭിക്കുന്ന വിവരങ്ങളും മന്ത്രി പങ്കുവെച്ചു. ”തേമ്ജെൻ ഇംന അലോംഗ് വൈഫ്” എന്ന ഓപ്ഷനാണ് ഗൂഗിൾ സെർച്ച് ഓപ്ഷനിൽ കാണിക്കുന്നത്. താൻ ഇപ്പോഴും അവളെ തേടിക്കൊണ്ടിരിക്കുകയാണെന്ന് ഈ ചിത്രം പങ്കുവെച്ചുകൊണ്ട് മന്ത്രി പറയുന്നു.

Ayalee, @Google search excites me.😆

I am still looking for her! pic.twitter.com/RzmmgyFFeq

— Temjen Imna Along (@AlongImna) July 10, 2022