2022 ലെ NIRF റാങ്കിംഗ് പട്ടിക കേന്ദ്ര സർക്കാർ പുറത്തു വിട്ടു . വിദ്യാഭ്യാസ മേഖലയിലെ പ്രധാനപ്പെട്ട പതിനൊന്ന് വിഭാഗങ്ങളിലേക്കുള്ള റാങ്കിംഗ് പട്ടികയാണ് കേന്ദ്ര വിദ്യാഭ്യാസ വകുപ്പ് മന്ത്രി ധർമേന്ദ്ര പ്രധാൻ പ്രഖ്യാപിച്ചത്. എഞ്ചിനീയറിംഗ് , യൂണിവേഴ്സിറ്റികൾ , മെഡിക്കൽ കോളേജുകൾ , പൊതുവിഭാഗം , മാനേജ്‌മന്റ് , നിയമം , ആർക്കിടെക്ച്ചർ , ഡെന്റൽ , മെഡിക്കൽ , റീസർച്ച് , ഫാർമസി തുടങ്ങിയ വിഭാഗത്തിലേക്കാണ് റാങ്കിംഗ് പ്രഖ്യാപനം നടത്തിയത് .
കഴിഞ്ഞ വർഷം NIRF റാങ്കിംഗിൽ പങ്കെടുത്തത് 6000 ഓളം കോളേജുകളായിരുന്നു . ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെന്റ് അഹമ്മദാബാദ് മാനേജ്മെന്റ് വിഭാഗത്തിൽ ഒന്നാമതെത്തി , തൊട്ടു പിറകിൽ തന്നെ IIM ബാംഗ്ലൂരും, IIM കൊൽക്കത്തയും ഇടം പിടിച്ചിരുന്നു . ഓരോ വർഷം കഴിയുംതോറും NIRF റാങ്കിംഗിൽ പങ്കെടുക്കുന്ന വിദ്യാഭ്യാസ സ്ഥാപനങ്ങളുടെ എണ്ണം വർദ്ധിച്ചു കൊണ്ടിരിക്കുകയാണെന്ന് മന്ത്രി പറഞ്ഞു .
ഈ വർഷത്തെ NIRF റാങ്കിംഗിൽ മുന്നിലെത്തിയ വിദ്യാഭ്യാസ സ്ഥാപനങ്ങൾ ഇവയാണ് .
എഞ്ചിനീയറിംഗ് വിഭാഗത്തിൽ മദ്രാസ് ഐ ഐ ടി മുന്നിൽ എത്തി . മികച്ച മെഡിക്കൽ കോളേജെന്ന ബഹുമതി ഡൽഹി എയിംസിനെ തേടിയെത്തി . ചെന്നൈയിലെ സാവിത്രി ഇൻസ്റ്റിട്യൂട്ട് ഓഫ് മെഡിക്കൽ ആന്റ് ടെക്നിക്കൽ സയൻസ് മികച്ച ഡെന്റൽ കോളേജുകളുടെ പട്ടികയിൽ ഇടം പിടിച്ചു
മികച്ച കോളേജിന്റെ പട്ടികയിൽ മിറാൻഡ ഹൗസ് ഒന്നാം സ്ഥാനത്തും , ഹിന്ദു കോളേജ് , പ്രസിഡൻസി കോളേജ് എന്നിവർ രണ്ടാം സ്ഥാനം പങ്കിട്ടു . ഐഐഎം അഹമ്മദാബാദിനെയാണ് ഇന്ത്യയിലെ ഏറ്റവും മികച്ച ബി-സ്കൂൾ പട്ടികയിൽ ഉൾപ്പെടുത്തി തെരഞ്ഞെടുത്തത് . എന്നാൽ ഐഐഎം ബാംഗ്ലൂരും ഐഐഎം കൽക്കട്ടയും തൊട്ടു പിന്നിൽ തന്നെ ഉണ്ട് .
ഐഐടി മദ്രാസ് ,ഐഐടി ഡൽഹി ,ഐഐടി ബോംബെ ,ഐഐടി കാൺപൂർ , ഐഐടി ഖരഗ്പൂർ
ഐഐടി റൂർക്കി , ഐഐടി ഗുവാഹത്തി ,എൻഐടി ട്രിച്ചി , ഐഐടി ഹൈദരാബാദ് , എൻഐടി കർണാടക തുടങ്ങിയ സ്ഥാപനങ്ങളെ ഈ വർഷത്തെ ഇന്ത്യയിലെ ഏറ്റവും മികച്ച എഞ്ചിനീയറിംഗ് കോളേജുകളായി തെരഞ്ഞെടുത്തു . ഐഐടി റൂർക്കി , എൻഐടി കോഴിക്കോട് , ഐഐടി ഖോരക്പുർ തുടങ്ങിയവ ആർക്കിടെക്ചർ റാങ്കിംഗിൽ മുൻനിരയിലെത്തി .
NIRF റാങ്കിംഗ് എന്ന സംവിധാനത്തിന് 2015 സെപ്റ്റംബർ 29-നാണ് തുടക്കം കുറിച്ചത് . നാഷണൽ ഇൻസ്റ്റിട്യൂഷണൽ റാങ്കിംഗ് ഫ്രെയിം വർക്ക് അഥവ NIRFന് MHRD ഡിപ്പാർട്ട്‌മെന്റ് ഔദ്യോഗികമായി അംഗീകാരം നൽകിയത് ഈ സമയത്താണ് . മികച്ച രീതിയിലുള്ള വിദ്യാഭ്യാസം വിദ്യാർഥികൾക്കു നൽകുവാനും രാജ്യത്തിന് അഭിമാനമാകുന്ന തരത്തിലേക്ക് ആ സ്ഥാപനങ്ങളെ മാറ്റാനും ഈ സംവിധാനത്തിലൂടെ കഴിഞ്ഞിട്ടുണ്ട് . ഈ പ്രക്രിയ നടപ്പിലാക്കാൻ MHRD യുടെ കീഴിൽ നിരവധി പ്രഗത്ഭർ ഒരുമിച്ചിരുന്നാണ് ഇത്തരത്തിൽ ഒരു രൂപ രേഖ തയ്യാറാക്കുന്നത് .
NIRF റാങ്കിംഗിൽ കോഴിക്കോട് എൻഐടിയെ തെരഞ്ഞെടുത്തത് കേരളത്തിനുള്ള നേട്ടമാണെന്ന് പറയുമ്പോഴും . യഥാർത്ഥത്തിൽ ഇത് കേരളത്തിന് അവകാശപ്പെട്ടതാണോ എന്ന് ചിന്തിക്കേണ്ടിയിരിക്കുന്നു . ഏറെ നാൾക്ക് ശേഷമാണ് കേരളത്തിലുള്ള ഒരു കേന്ദ്ര സർക്കാർ സ്ഥാപനത്തെ തേടി ഇത്തരമൊരു ബഹുമതി വരുന്നത് . അതെ സമയം കേരളത്തിലെ യൂണിവേഴ്സിറ്റികളും , കോളേജുകളും മറ്റു മാനേജ്മെന്റ് സ്ഥാപനങ്ങളും ഈ പട്ടികയിൽ ഇടംപിടിച്ചിട്ടില്ലഎന്നത് പ്രധാനപ്പെട്ട കാര്യമാണ് . ഇത് നമ്മുടെ വിദ്യാഭ്യാസ നിലവാരത്തിന്റെ മോശം സാഹചര്യങ്ങളെയാണ് ചൂണ്ടി കാണിക്കുന്നത് . കേരളം വിദ്യാഭ്യാസ നിലവാരത്തിന്റെ കാര്യത്തിൽ നമ്പർ വൺ ആണെന്ന് പറഞ്ഞു നടക്കുമ്പോഴും കേരളത്തിലെ യൂണിവേഴ്സിറ്റികളും , മറ്റു വിദ്യാഭ്യാസ സ്ഥാപനങ്ങളും യാതൊന്നിലും ഇടം പിടിക്കാതെ പോകുന്നത് ചിന്തിക്കേണ്ട വസ്തുതയാണ് .
