കൊച്ചി: കൊച്ചി: സിനിമയിൽ സജീവമാകുന്നതിന് മുൻപ് സാഹസീക യാത്രകളിലൂടെയും മറ്റും ആരാധകരെ സൃഷ്ടിച്ച വ്യക്തിയാണ് പ്രണവ് മോഹൻലാൽ. വലിയ നടന്റെ മകനെന്ന ആനുകൂല്യങ്ങളോ സൗകര്യങ്ങളോ ദുരുപയോഗം ചെയ്യാത്ത പ്രണവിന്റെ പ്രവൃത്തികളും സ്വഭാവവുമാണ് സോഷ്യൽ മീഡിയകളിൽ വലിയ കൈയ്യടി നേടിയിട്ടുളളത്. സിനിമകളിലൂടെ മാത്രമല്ല ലളിത ജീവിതത്തിലൂടെയും പെരുമാറ്റത്തിലൂടെയുമൊക്കെ പ്രണവ് ഇന്ന് യുവമനസിൽ സൂപ്പർഹീറോയാണ്
പ്രണവിന്റെ സാഹസിക യാത്രാ പ്രേമം വെളിപ്പെടുത്തുന്ന ഒരു വീഡിയോ ആണ് ഇപ്പോൾ സമൂഹമാദ്ധ്യമങ്ങളിൽ ആരാധകരുടെ നെഞ്ചിടിപ്പ് ഉയർത്തുന്നത്. കുത്തനെയുള്ള പാറക്കെട്ടിന്റെ മുകളിലേക്ക് യാതൊരു വിധ സുരക്ഷാ ഉപകരണങ്ങളുടെ സഹായമില്ലാതെ ചവിട്ടി കയറുന്നതാണ് വീഡിയോ. പ്രണവിന്റെ അസാമാന്യ മനക്കരുത്തിനെയും ചങ്കുറപ്പിനെയും അഭിനന്ദിച്ച് നിരവധി പേരാണ് രംഗത്തെത്തിയിരിക്കുന്നത്.
ഇതിന് മുൻപ് തായ്‌ലാൻഡിലെ ടോൺസായി മലയിടുക്കിൽ പിടിച്ച് കയറുന്ന പ്രണവിന്റെ വീഡിയോ വൈറലായിരുന്നു. 2017 ൽ നടത്തിയ യാത്രയ്‌ക്കിടെ പകർത്തിയ ചിത്രങ്ങളും വീഡിയോകളുമായിരുന്നു അടുത്തിടെ വൈറലായത്.
