മ്യൂണിക്ക്: ജർമ്മനിയുടെ മുൻഫുട്ബോൾ ഇതിഹാസവും നായകനുമായിരുന്ന ഉവേ സീലർ അന്തരിച്ചു. 85 വയസ്സായിരുന്നു. 1966ൽ ജർമ്മനിയെ ലോകകപ്പ് ഫൈനലിലേയ്ക്ക് നയിച്ച നായകനായിരുന്നു. ജരമ്മനിയുടെ എക്കാലത്തേയും മികച്ച താരങ്ങളിലൊരാളായി ഗണിക്കപ്പെടുന്ന താരമാണ്.
ഫുട്ബോളിൽ അസാമാന്യ വേഗത കൊണ്ടും ഓവർഹെഡ് കിക്കുകൾകൊണ്ടും കാണികളെ അമ്പരിപ്പിച്ച താരമായിരുന്നു. വിവിധ കോണുകളിൽ നിന്നുള്ള ഷോട്ടുകളുടെ വൈവിധ്യം സൃഷ്ടിച്ച പ്രതിഭയെന്നാണ് സീലറെ വിശേഷിപ്പിക്കുന്നത്.
പശ്ചിമ ജർമ്മനിയ്ക്കായി 72 അന്താരാഷ്ട്ര മത്സരങ്ങളിലായി 43 ഗോളുകൾ നേടി. 16 വർഷം രാജ്യത്തിനായി ബൂട്ടണിഞ്ഞു. 1960, 1964, 1970 വർഷങ്ങളിൽ മികച്ച ജർമ്മൻ ഫുട്ബോള റായിരുന്നു.
സ്വന്തം നാട്ടിലെ ഹാംബർഗർ എസ്.വി ക്ലബ്ബിലൂടെയാണ് പേരെടുത്തത്. 1952 മുതൽ 1973 വരെ കളിച്ചു. ഒബെർലീഗ, ബുന്ദെസ്ലീഗ എന്നീ ലീഗുകളിലായി 519 മത്സരങ്ങളിലായി 445 ഗോളുകൾ നേടി. ബുന്ദേസ്ലീഗയിൽ സീലർ നേടിയ 137 ഗോളുകൾ ഇന്നും തകർക്കാത്ത റെക്കോർഡായി തുടരുന്നു. ക്ലബ്ബിനായി 587 മത്സരങ്ങളിലായി 507 ഗോളുകളാണ് കരിയറിൽ ആകെ അടിച്ചുകൂട്ടിയത്.
Comments