പാലക്കാട്: മികച്ച ഗായികയ്ക്കുള്ള ദേശീയ പരസ്കരം ലഭിച്ച നഞ്ചിയമ്മയെ വീഡിയോ കോളിൽ വിളിച്ച് അഭിനന്ദിച്ച് നടൻ സുരേഷ് ഗോപി. രാഷ്ട്രപതി ദ്രൗപദി മുർമു കഴിഞ്ഞാൽ ഇപ്പോൾ ഇന്ത്യയിൽ ഏറ്റവും കൂടുതൽ ചർച്ച ചെയ്യുന്നത് നഞ്ചിയമ്മയുടെ പേരാണെന്ന് സുരേഷ് ഗോപി പറഞ്ഞു. വീട്ടിൽ വന്ന് താമസിക്കാൻ അദ്ദേഹം ഗായികയെ ക്ഷണിച്ചു.
ഇതിന് മറുപടിയായി സംവിധായകൻ സച്ചി നേരിട്ട് വന്ന് സംസാരിക്കുന്നത് പോലെയാണ് തനിക്ക് തോന്നുന്നതെന്നും സിനിമാ മേഖലയിൽ നിന്ന് ആദ്യമായി വീഡിയോ കോൾ വിളിക്കുന്നത് സുരേഷ് ഗോപിയാണെന്നും നഞ്ചിയമ്മ പറഞ്ഞു.
നഞ്ചിയമ്മയെ ഉടൻ കാണാൻ വരുന്നുണ്ടെന്ന് പറഞ്ഞ സുരേഷ് ഗോപി. പ്രധാനമന്ത്രിയെ നേരിട്ട് വിളിക്കണമെന്ന് നിർദ്ദേശിച്ചു. മൊബൈൽ റേഞ്ചിന് കുറച്ച് പ്രശ്നമുണ്ടെന്ന് പറഞ്ഞപ്പോൾ ബിഎസ്എൻഎല്ലിനെ അറിയിച്ച് പരിഹരിക്കാമെന്നും ഉറപ്പ് നൽകിയാണ് അദ്ദേഹം കോൾ അവസാനിപ്പിച്ചത്.
