സ്വാതന്ത്ര്യസമര സേനാനികൾക്കുള്ള ആദരാഞ്ജലികൾ ഡിജിറ്റൽ മോഡലിൽ ജ്യോതി തെളിയിക്കാൻ പ്രധാനമന്ത്രി ആഹ്വാനം ചെയ്തു . രാജ്യത്തിന്റെ 75 മത് സ്വാതന്ത്ര്യ ദിനത്തിൽ സർക്കാർ ആസാദി കാ അമൃത് മഹോത്സവ് എന്ന പേരിൽ രാജ്യ വ്യാപകമായി ആഘോഷ പരിപാടികൾ നടത്തുന്നുണ്ട് . വിവിധ സന്നദ്ധ സംഘടനകൾ , വിദ്യാഭ്യാസ സ്ഥാപനങ്ങൾ തുടങ്ങി വിവിധ മേഖലയിലുള്ളവർ ചേർന്ന് രാജ്യത്താകമാനം പരിപാടികൾ നടത്താൻ തീരുമാനിച്ചിട്ടുണ്ട് .
നമ്മുടെ നാടിനു വേണ്ടി ജീവത്യാഗം ചെയ്തവരെ സ്മരിക്കേണ്ടത് ഏറ്റവും പ്രധാനപ്പെട്ട കാര്യമാണ് . എല്ലാവരും ആ ദിവസം അവർക്കു വേണ്ടി ദീപം തെളിയിക്കണമെന്ന് അദ്ദേഹം പറഞ്ഞു . ഡിജിറ്റൽ ജ്യോതി തെളിയിച്ചു നമുക്ക് നമ്മുടെ ധീര ജവാന്മാർക്ക് വേണ്ടി കൈ കോർക്കാമെന്ന് അദ്ദേഹം പറഞ്ഞു .
ഡൽഹിയിലെ സെൻട്രൽ പാർക്കിൽ ഇവർക്ക് ആദരസൂചകമായി ഒരു സ്കൈ ബീം ലൈറ്റ് സ്ഥാപിച്ചിട്ടുണ്ടെന്നു അദ്ദേഹം പറഞ്ഞു . നമ്മൾ അർപ്പിക്കുന്ന ഓരോ ആദരാഞ്ജലികളും ഡിജിറ്റൽ ജ്യോതിയുടെ പ്രകാശം ഇരട്ടിയാക്കുമെന്നും അദ്ദേഹം കൂട്ടിച്ചേർത്തു . രാജ്യത്തിനു വേണ്ടി ജീവൻ സമർപ്പിച്ചവരെ അനുസ്മരിക്കുക എന്നത് നമ്മുടെ കടമയാണ് . എല്ലാവരും ഇത്തവണ ഈ കാര്യം ചെയ്യണം . കൂടാതെ ഈ വർഷത്തെ സ്വാതന്ത്ര്യ ദിനത്തിൽ മുഴുവൻ ഭാരതീയരും അവരവരുടെ വീടുകളിൽ ദേശീയ പതാക ഉയർത്തണമെന്നും അദ്ദേഹം അഭ്യർത്ഥിച്ചു .
