അഹമ്മദാബാദ്; സോളോഗമിയിലൂടെ സമൂഹമാദ്ധ്യമങ്ങളിൽ വൈറലായ ഗുജറാത്ത് സ്വദേശിനി ക്ഷമ ബിന്ദു സോളോ ഹണിമൂണിന് തയ്യാറെടുക്കുന്നു. ഗോവയിലേക്കാണ് ഹണിമൂണിന് പോകാൻ ക്ഷമ തയ്യാറെടുപ്പുകൾ നടത്തുന്നത്.
എല്ലാ വധുക്കളെയും പോലെ, എന്റെ ഹണിമൂണിന് ഞാൻ വളരെ ആവേശത്തിലാണ്. ഓഗസ്റ്റ് 7 ന് ഞാൻ ഗോവയിലേക്ക് പോകും,അവിടെയുള്ള എന്റെ എല്ലാ പ്രത്യേക നിമിഷങ്ങളും മൊബൈൽ ഫോണിൽ റെക്കോർഡുചെയ്യുമെന്ന് ക്ഷമ പറഞ്ഞു.
ഹണിമൂൺ ആഘോഷിക്കാൻ എത്തിയതാണെന്ന് അറിയുമ്പോൾ ആളുകൾ തന്നോട് ഭർത്താവിനെക്കുറിച്ച് ചോദിക്കുമെന്നും അതിന് എന്ത് മറുപടി നൽകണമെന്ന് തനിക്കറിയാമെന്ന് ക്ഷമ പറയുന്നു. സോളോഗമിയെ കുറിച്ചും എന്തിനാണ് ഞാൻ എന്നെത്തന്നെ വിവാഹം കഴിച്ചതെന്നും എല്ലാം വിശദീകരിക്കാൻ എനിക്ക് അവസരം ലഭിക്കുമെന്ന് യുവതി ചൂണ്ടിക്കാട്ടി.
കഴിഞ്ഞ ജൂണിലാണ് ഗുജറാത്ത് സ്വദേശിനിയായ ഇരുപത്തിനാലുകാരി അടുത്ത സുഹൃത്തുക്കളെ സാക്ഷിയാക്കി സ്വയം വരണമാല്യം അണിഞ്ഞത്.
മറ്റൊരാളെ വിവാഹം കഴിക്കാൻ താത്പര്യമില്ലാത്തതിനാലാണ് സ്വയം വിവാഹം ചെയ്യുന്നത് എന്ന് ക്ഷമ പറഞ്ഞിരുന്നു. ക്ഷണക്കത്തും അതിഥികളും മുഹൂർത്തവുമൊക്കെയായി പരമ്പരാഗത രീതിയിൽ തന്നെയായിരുന്നു യുവതി വിവാഹിതയായത്.
Comments