എഡ്ജ്ബാസ്റ്റൺ: കോമൺവെൽത്ത് ഗെയിംസ് വനിതാ ട്വന്റി 20 ക്രിക്കറ്റിൽ പാകിസ്താനെതിരെ ഇന്ത്യൻ വനിതകൾക്ക് തകർപ്പൻ ജയം. മഴ മൂലം 18 ഓവറാക്കി ചുരുക്കിയ മത്സരത്തിൽ 8 വിക്കറ്റിനായിരുന്നു ഇന്ത്യയുടെ വിജയം.
സ്കോർ
പാകിസ്താൻ: 99/10 (18 ഓവർ)
ഇന്ത്യ:102/2 (11.4ഓവർ)
32 റൺസെടുത്ത ഓപ്പണർ മുനീബ അലിയാണ് പാകിസ്താന്റെ ടോപ് സ്കോറർ. ഇന്ത്യക്ക് വേണ്ടി സ്നേഹ റാണ, രാധ യാദവ് എന്നിവർ 2 വിക്കറ്റ് വീതം വീഴ്‌ത്തി. രേണുക സിംഗ്, മേഘ്ന സിംഗ്, ഷഫാലി വർമ്മ എന്നിവർ ഓരോ വിക്കറ്റ് വീതം നേടി.
മറുപടി ബാറ്റിംഗിൽ പാകിസ്താൻ ബൗളർമാർക്ക് മേൽ സമ്പൂർണ്ണ ആധിപത്യം പുലർത്തിയ ഇന്ത്യ 11.4 ഓവറിൽ 2 വിക്കറ്റുകൾ മാത്രം നഷ്ടപ്പെടുത്തി ലക്ഷ്യം മറികടന്നു. അർദ്ധസെഞ്ച്വറി നേടിയ സ്മൃതി മന്ഥാനയുടെ ബാറ്റിംഗാണ് ചിരവൈരികൾക്ക് മേൽ ഇന്ത്യക്ക് തകർപ്പൻ ജയം സമ്മാനിച്ചത്. സ്മൃതി 42 പന്തിൽ 63 റൺസ് നേടി പുറത്താകാതെ നിന്നു.
