ഏതൊരു വ്യക്തിയുടെയും അടിസ്ഥാന ആവശ്യങ്ങളിൽ ഉൾപ്പെടുത്താവുന്ന ഒന്നാണ് ജോലി. അത് കണ്ടെത്തുന്നതിന് വേണ്ടിയാണ് നാം പഠിക്കുന്നതും അപേക്ഷകൾ സമർപ്പിക്കുന്നതും എല്ലാം. പെതുവേ ജോലി നാം കണ്ടെത്തുന്നത് ഇഷ്ട മേഖലയിൽ ആവും . എത്ര ശ്രമിച്ചിട്ടും ഇഷ്ടപ്പെട്ട ജോലി ലഭിച്ചില്ലെങ്കിൽ കിട്ടുന്ന ജോലി കൊണ്ട് തൃപ്തിപ്പെടുകയും ചെയ്യും. എന്നാൽ ഇവിടെ ഒരു ജോലിക്കായി വിളിച്ച അപേക്ഷ എല്ലാവരുടെയും ശ്രദ്ധ നേടുകയാണ്.
അതിന് മുമ്പ് ഒന്ന് ഓർമ്മിപ്പിക്കട്ടെ മദ്യം കഴിക്കുന്നത് ആരോഗ്യത്തിന് ഹാനീകരം ആണെന്ന് മദ്യക്കുപ്പികളിൽ തന്നെ എഴുതിയിട്ടുണ്ട്. ജോലി ഇതാണ്. ബീയർ രുചിക്കുന്നതിന് ആളെ വേണം. ജർമൻ സ്ഥാപനമായ ആൽഡിയാണ് തങ്ങൾ നിർമ്മിക്കുന്ന ബിയർ രുചിച്ച് നോക്കി അഭിപ്രായം അറിയിക്കുന്നതിനായി ആളുകളെ തേടുന്നത്.
കമ്പനി സെപ്തംബർ 15 ന് പുറത്തിറക്കാനിരിക്കുന്ന ബിയർ രുചിച്ച് നോക്കലാണ് ജോലി . എന്നാൽ ഇവയുടെ അഭിപ്രായങ്ങൾ കൃത്യമായി രേഖപ്പെടുത്തുകയും വേണം. ഈ ജോലിക്ക് വെറുതെ അപേക്ഷ സമർപ്പിച്ചാൽ പോര . പകരം അപേക്ഷ അയക്കുമ്പോൾ എന്തു കൊണ്ടാണ് ഈ ജോലിക്ക് ചേരാൻ നിങ്ങൾ താല്പര്യപ്പെടുന്നത്. നിങ്ങളുടെ ഇഷ്ടപ്പെട്ട ബിയർ ഏതാണ് . എന്തുകൊണ്ടാണ് ഇത് ഇഷ്ടപ്പെട്ടത് എന്നീ കാര്യങ്ങൾ വ്യക്തമാക്കി ഒരു കുറിപ്പും അപേക്ഷയ്‌ക്കൊപ്പം അയക്കണം.
കൂടാതെ അപേക്ഷയ്‌ക്കൊപ്പം പേര്, വയസ് തെളിയിക്കുന്ന രേഖ എന്നിവയും സമർപ്പിക്കണം. ഓഗസ്റ്റ് 29 ആണ് അപേക്ഷ സമർപ്പിക്കേണ്ട അവസാന തിയതി. സെപ്തംബർ 2ന് ഫലം പ്രഖ്യാപിക്കും.ജോലിക്കായുള്ള അരപേക്ഷയും മേൽപറഞ്ഞ ചോദ്യങ്ങൾക്കുള്ള ഉത്തരവും സമർപ്പിക്കേണ്ട ഇ-മെയിൽ വിലാസം – Aldibeertaster@clarioncomms.co.uk ആണ്.
