ലഖ്നൗ: ഉത്തർപ്രദേശിലെ ബി ജെ പിയുടെ സംഘടനാ വളർച്ചയിൽ മുഖ്യ പങ്കു വഹിച്ച ഹിന്ദു യുവ വാഹിനിയുടെ യൂണിറ്റ് പിരിച്ചു വിട്ടു. യോഗി ആദിത്യനാഥ് 2002ലാണ് സംഘടനക്ക് രൂപം നൽകിയത്. എന്നാൽ ഈ പിരിച്ചുവിടൽ കൂടുതൽ ശക്തിയായി തിരിച്ചു വരാനുള്ള തയ്യാറെടുപ്പാണെന്ന് സംഘടനാ ഭാരവാഹികൾ അറിയിച്ചു. 2024ൽ നടക്കാൻ പോകുന്ന പൊതു തിരഞ്ഞെടുപ്പിൽ സംസ്ഥാനത്തിന്റെ മുഴുവൻ ഗ്രാമങ്ങളിലും പ്രവർത്തനമെത്തിക്കാനുള്ള ആലോചനയിലാണ് നടത്തുന്നത്. ഹിന്ദു യുവ വാഹിനിയുടെ ( HYV ) പുതിയ യൂണിറ്റ് ഉടൻ രൂപീകരിക്കുമെന്ന് സംഘടനാ വൃത്തങ്ങൾ അറിയിച്ചു.
യോഗി ആദിത്യനാഥ് ഖൊരക്പൂർ സന്ദർശിക്കുന്നതിനിടയിലാണ് HYVയുടെ യൂണിറ്റ് പിരിച്ചു വിടുന്നതെന്ന് സംഘടനയുടെ ചുമതലയുള്ള രാഘവേന്ദ്ര പ്രതാപ സിംഗ് പറഞ്ഞു. ഉത്തർപ്രദേശ് രാഷ്ട്രീയത്തിൽ ഹിന്ദു യുവ വാഹിനിക്ക് വ്യക്തമായ പങ്കുണ്ടെന്നു നേതാക്കൾ പറയുന്നു. യോഗി എം പി ആയിരുന്നപ്പോൾ സ്ഥാപിച്ചതാണ് HYV. 2004 ,2009, 2014 ലോക്സഭ തിരഞ്ഞെടുപ്പുകളിൽ ബിജെപി ക്ക് മികച്ച ഭൂരിപക്ഷത്തോടെ വിജയം നേടിക്കൊടുക്കുവാൻ സംഘടനക്ക് കഴിഞ്ഞു എന്ന് രാഘവേന്ദ്ര പ്രതാപ സിംഗ് വ്യക്തമാക്കി.
ഉത്തർപ്രദേശ് സംസഥാനത്ത് ബിജെപിക്ക് വലിയ വളർച്ച ഉണ്ടാക്കാൻ കാരണമായ ഹിന്ദു യുവ വാഹിനി പിരിച്ചു വിട്ട് പുതിയ ഭാരവാഹികളെ നിശ്ചയിക്കും. സംഘടന ഭാരവാഹികളായി കൂടുതലും യുവാക്കളെ കൊണ്ടുവരാനാണ് തീരുമാനമെന്നും അദ്ദേഹം കൂട്ടിച്ചേർത്തു.
Comments