തിരുവനന്തപുരം : ജില്ലയിൽ ഗുണ്ടാ സംഘത്തിന്റെ അഴിഞ്ഞാട്ടം. മദ്യം നൽകാത്തതിന് വാൾ വീശി ഭീഷണി മുഴക്കി. മ്യൂസിയം ജംഗ്ഷന് സമീപത്തെ ബാറിന് മുന്നിലാണ് സംഘം വാൾവീശി ഭീതി സൃഷ്ടിച്ചത്. ബാറിൽ നിന്നും മദ്യം നൽകാത്തത് മൂലമുണ്ടായ തർക്കത്തെ തുടർന്നാണ് ഗുണ്ട സംഘം വാൾ വീശിയത്. തിരുവനന്തപുരം നന്ദാവനത്തിലാണ് സംഭവം.
കഴിഞ്ഞ ദിവസം രാത്രിയോടെയാണ് സംഘർഷാവസ്ഥയുണ്ടായത്. പതിനൊന്ന് മണിയോടെ പിഎംജിക്ക് സമീപത്തുള്ള ബാറിൽ സംഘം എത്തി മദ്യം ആവശ്യപ്പെട്ടു. എന്നാൽ പ്രവർത്തന സമയം കഴിഞ്ഞതിനാൽ ബാറിനുള്ളിലേക്ക് ജീവനക്കാരും സെക്യൂരിയും ഇവരെ കടത്തി വിട്ടില്ല.
ഇതിന് പിന്നാലെയാണ് സംഘം പ്രദേശത്ത് വാൾ വീശി ഭീഷണി സൃഷ്ടിച്ചത്. മൂന്നു പേർക്ക് എതിരെ മ്യൂസിയം പോലീസ് കേസ് എടുത്തു. സംഭവത്തിൽ പോലീസ് അന്വേഷം ആരംഭിച്ചു. നഗരത്തിൽ പോലീസ് അടുത്തിടെ പരിശോധനയും പെട്രോളിംഗും ശക്തമാക്കിയിരുന്നു. എന്നാൽ ഇതിനെ ഒന്നും വകവയ്‌ക്കാതെയാണ് ഗുണ്ടാ സംഘങ്ങൾ അഴിഞ്ഞാടുന്നത്.
Comments