രക്ഷാബന്ധൻ ദിനത്തിൽ തെന്നിന്ത്യൻ താരം യഷ് തന്റെ സഹോദരി നന്ദിനിക്കൊപ്പം ആഘോഷിച്ചു. സഹോദരി കൈയിൽ രാഖി കെട്ടുന്ന ചിത്രം ഹൃദയസ്പർശിയായ കുറിപ്പോടെ യഷ് സമൂഹമാദ്ധ്യമത്തിൽ പങ്കുവെച്ചു. തിരക്കേറിയ ഷെഡ്യൂളുകൾക്കിടയിലും, തന്റെ കുടുംബത്തോടൊപ്പം സമയം ചെലവഴിക്കുന്നതിലും അവരോടൊപ്പം എല്ലാ ഉത്സവങ്ങൾ ആഘോഷിക്കുന്നതിലും താരം ഒരിക്കലും ഒഴിവാക്കാറില്ല.
കെജിഎഫ് താരം യഷ് തന്റെ സഹോദരി നന്ദിനിയുമായി രക്ഷാബന്ധൻ ആഘോഷത്തിന്റെ ദൃശ്യങ്ങളാണ് പങ്കുവച്ചിരിക്കുന്നത്. നന്ദിനി തന്റെ കൈത്തണ്ടയിൽ രാഖി കെട്ടുന്ന ചിത്രങ്ങളുടെ പരമ്പരയാണ് താരം പോസ്റ്റ് ചെയ്തത്. ഫോട്ടോകൾ പങ്കിട്ടുകൊണ്ട്, സഹോദരിയുമായുള്ള തന്റെ ബന്ധത്തെക്കുറിച്ച് അദ്ദേഹം ഹൃദയസ്പർശിയായ കുറിപ്പ് എഴുതി.
സഹോദരങ്ങൾ എങ്ങനെയാണ് ജീവിതകാലം മുഴുവൻ ബന്ധിതരായിരിക്കുന്നതെന്ന് താരം കുറിപ്പിൽ പരാമർശിച്ചു. അദ്ദേഹം സമൂഹമാദ്ധ്യമത്തിൽ ഇങ്ങനെ എഴുതി, ‘സഹോദരങ്ങൾ – വിധിയാൽ ഒരുമിച്ചു, എന്നാൽ ജീവിതകാലം മുഴുവൻ സ്‌നേഹവും പിന്തുണയും കൊണ്ട് ബന്ധിക്കപ്പെട്ടിരിക്കുന്നു. എല്ലാവർക്കും രക്ഷാബന്ധൻ ആശംസകൾ .’
ബ്ലോക്ക്ബസ്റ്റർ ചിത്രമായ കെജിഎഫ്:ചാപ്റ്റർ 2 ആണ് യാഷ് അവസാനമായി അഭിനയിച്ചത്. സിനിമയിലെ റോക്കി എന്ന കഥാപാത്രത്തെ താരം മികച്ച രീതിയിൽ അവതരിപ്പിച്ചത് പ്രേക്ഷകശ്രദ്ധ പിടിച്ചുപറ്റി. സിനിമയുടെ വിജയം ആഘോഷിക്കാൻ യഷ് ഭാര്യ രാധികയ്‌ക്കൊപ്പം യൂറോപ്പിൽ പോയി. ഇൻസ്റ്റാഗ്രാമിലൂടെ താരം തന്റെ റൊമാന്റിക് ഗെറ്റപ്പിലുള്ള ചില ചിത്രങ്ങൾ പങ്കുവെച്ചത് ശ്രദ്ധേയമായിരുന്നു.
