പാലക്കാട്: പാലക്കാടിനെ ത്രിവർണമണിയിച്ച് ഒബിസി മോർച്ചയുടെ തിരംഗ റാലി. ഹെഡ് പോസ്റ്റ് ഓഫീസ് മുതൽ പുലിക്കോട്ടിൽ രത്നവേലു ചെട്ടി സ്മാരകം (കോട്ടമൈതാനം) വരെയായിരുന്നു തിരംഗ യാത്ര സംഘടിപ്പിച്ചത്.
ബിജെപി സംസ്ഥാന ഉപാധ്യക്ഷൻ ഡോ. കെ.എസ് രാധാകൃഷ്ണൻ ഉദ്ഘാടനം ചെയ്തു. ഇന്ത്യൻ സ്വാതന്ത്ര്യ സമരം ഏതെങ്കിലും വ്യക്തികളുടെയോ, സംഘടനകളുടെയോ മാത്രം സൃഷ്ടിയല്ലെന്നും അനേകം വ്യക്തികളുടെയും, സംഘടനകളുടെയും പേരും, പെരുമയും ആഗ്രഹിക്കാതെ സ്വാതന്ത്ര്യ സമരാഗ്നിയിൽ ജീവാഹുതി ചെയ്ത പതിനായിരകണക്കിന് ദേശാഭിമാനികളുടെയും സമർപ്പണമാണെന്ന് അദ്ദേഹം പറഞ്ഞു.
ചരിത്രത്തിൽ സ്ഥാനം പിടിക്കാത്ത പതിനായിര കണക്കിന് സമരഭടന്മാരുട പ്രതിനിധിയാണ് പുലിക്കോട്ട് രത്നവേൽ ചെട്ടി. ഭാരതത്തിന്റെ മഹിമയ്ക്ക് പോറൽ ഏൽക്കുന്ന സാഹചര്യത്തിൽ മനം നൊന്താണ് അദ്ദേഹം ജീവാഹുതി ചെയ്തത്. ഇത്തരം അറിയപ്പെടാത്ത സ്വാതന്ത്ര്യ സമര ഭടന്മാരെകുറിച്ച് കൂടുതൽ പഠനങ്ങൾ അനിവാര്യമാണെന്ന് പറഞ്ഞു.
ഒബിസി മോർച്ച സംസ്ഥാന പ്രസിഡന്റ് എൻപി രാധാകൃഷ്ണൻ, സംസ്ഥാന സെക്രട്ടറി ശശികുമാർ. എം, ട്രഷറർ ബബ്ലൂ, ബിജെപി ജില്ലാ പ്രസിഡന്റ് കെഎം ഹരിദാസ് തുടങ്ങിയവർ പങ്കെടുത്തു.
ഒബിസി മോർച്ച ജില്ലാ പ്രസിഡന്റ് ഷണ്മുഖൻ എൻ, ജനറൽ സെക്രട്ടറിമാരായ ജി. പ്രഭാകരൻ, വിനോദ് കൃഷ്ണൻ, ജില്ലാ ഭാരവാഹികളായ വിജയൻ, കുഞ്ഞുകുട്ടൻ, മനോജ്, ജയൻ മലനാട്, വിജിത് ചാത്തയിൽ, രാഘവൻ, രഘു മണലി, ബാബു വെണ്ണക്കര എന്നിവർ നേതൃത്വം നൽകി.
Comments