ന്യൂഡൽഹി: മുൻ ബിജെപി വക്താവ് നൂപുർ ശർമ്മയ്‌ക്കെതിരെ ഭീഷണിയുമായി അൽ ഖ്വായ്ദ മുഖപത്രം. ഇന്ത്യൻ മുസ്ലീംങ്ങൾ നീതി നടപ്പിലാക്കാൻ പ്രതികാരം ചെയ്യണണമെന്ന് അൽ ഖ്വായ്ദ ആഹ്വാനം ചെയ്തു. അൽ ഖ്വായ്ദയുടെ ഇന്ത്യൻ ഘടകത്തിന്റെ മുഖപത്രമായ നവ ഇ ഘാവ ഇ ഹിന്ദിലൂടെയാണ് ആഹ്വാനം.
പ്രവാചകന് വേണ്ടി നീതി നടപ്പിലാക്കാൻ ഇന്ത്യൻ മുസ്ലീംങ്ങൾ പ്രതികാരം ചെയ്യണമെന്നാണ് മുഖപ്രസംഗത്തിലുടനീളം ആവശ്യപ്പെടുന്നത്. പരസ്യഭീഷണി പുറത്ത് വന്നതോടെ നൂപുർ ശർമ്മയുടെ സുരക്ഷയുമായി ബന്ധപ്പെട്ട് ആശങ്ക വർദ്ധിച്ചിട്ടുണ്ട്.
അൽ ഖ്വായ്ദയുടെ ഇന്ത്യൻ ഘടകം പ്രസ്താവനയ്‌ക്കെതിരെ പ്രതികാരത്തിന് തയ്യാറെടുത്തതായി ഭീഷണിപ്പെടുത്തിയിരുന്നു.പ്രവാചക പരാമർശത്തിന് പകരമായി ഡൽഹി,ഗുജറാത്ത്,ഉത്തർപ്രദേശ് മുംബൈ എന്നിവിടങ്ങളിൽ സ്‌ഫോടനം നടത്തുമെന്നായിരുന്നു ഭീഷണി.
നബിയെ ബഹുമാനിച്ചില്ലെങ്കിൽ സർവ്വനാശം സംഭവിക്കുമെന്നും നബിയുടെ അഭിമാനം സംരക്ഷിക്കാൻ ജീവൻ ബലിയർപ്പിക്കാൻ ആരെങ്കിലുമുണ്ടോ എന്നും ചോദിക്കുന്ന എക്യുഐഎസ് തലവന്റ വീഡിയോയും പുറത്ത് വന്നിരുന്നു.
Comments