മലപ്പുറം: കരിപ്പൂരിൽ വീണ്ടും സ്വർണവേട്ട. വിമാനത്താവളം വഴി കടത്താൻ ശ്രമിച്ച സ്വർണവുമായി രണ്ട് പേർ പോലീസിന്റെ പിടിയിലായി. കോഴിക്കോട് സ്വദേശി മുഹമ്മദ് ആസിഫ്, മമ്പാട് സ്വദേസി മുഹമ്മസ് യാസിർ എന്നിവരാണ് അറസ്റ്റിലായത്.
ഷാർജയിൽ നിന്നും മുഹമ്മദ് ആസിഫാണ് സ്വർണവുമായി എത്തിയത്. വിമാനത്താവളത്തിലെ സുരക്ഷാ ഉദ്യോഗസ്ഥരെ കബളിപ്പിച്ച് ആസിഫ് വിമാനത്താവളത്തിന് പുറത്തു കടന്നിരുന്നു. സ്വർണവുമായെത്തിയ ആസിഫിനെ കൊണ്ടുപോകുന്നതിന് വേണ്ടിയാണ് യാസിർ എത്തിയത്. ഇരുവരെയും കണ്ട് സംശയം തോന്നിയ പോലീസ് ചോദ്യം ചെയ്തപ്പഴാണ് സ്വർണക്കടത്താണെന്ന് വ്യക്തമായത്. ഉടനെ ഇരുവരെയും പോലീസ് അറസ്റ്റ് ചെയ്യുകയായിരുന്നു. ഇവരിൽ നിന്നും ഒരു കിലോയിലധികം സ്വർണമാണ് പിടിച്ചെടുത്തത്.
ഇതിനിടെ കരിപ്പൂർ വിമാനത്താവളം വഴി സ്വർണം കടത്താൻ ശ്രമിച്ച മറ്റൊരാൾ കസ്റ്റംസിന്റെ പിടിയിലായി. മലപ്പുറം സ്വദേശി ഹംസാത്തു സാദിഖ് ആണ് പിടിയിലായത്. ഇയാളുടെ പക്കൽ നിന്നും രണ്ട് കിലോയിലധികം സ്വർണവും പോലീസ് പിടിച്ചെടുത്തു. മലദ്വാരത്തിൽ ഒളിപ്പിച്ചാണ് സാദിഖ് സ്വർണവുമായി എത്തിയത്.
