ന്യൂഡൽഹി: കൊറോണ കേസുകൾ ഉയരുന്ന സാഹചര്യത്തിൽ വിമാനങ്ങളിൽ മാസ്ക് ഉൾപ്പെടെയുള്ള കൊറോണ പ്രോട്ടോക്കോൾ പാലനം കർശനമാക്കി ഡി ജി സി എ. ഇക്കാര്യം ഉറപ്പ് വരുത്തുന്നതിന് വേണ്ടി രാജ്യമെമ്പാടും വിമാനങ്ങളിൽ പരിശോധന ശക്തമാക്കുമെന്നും ഡി ജി സി എ പ്രസ്താവനയിൽ അറിയിച്ചു.
കഴിഞ്ഞ 24 മണിക്കൂറിനുള്ളിൽ രാജ്യത്ത് 9,062 പുതിയ കൊറോണ കേസുകൾ കൂടി റിപ്പോർട്ട് ചെയ്തിരുന്നു. ഇതോടെ രാജ്യത്ത് ആകെ രോഗം ബാധിച്ചവരുടെ എണ്ണം, 4,42,86,256 ആയിരുന്നു. നിലവിൽ 1,05,058 പേരാണ് രാജ്യത്ത് കൊറോണ ബാധിതരായി ഉള്ളത്.
കേരളത്തിലും കൊറോണ കേസുകൾ ഉയരുന്നതായാണ് കണക്കുകൾ വ്യക്തമാക്കുന്നത്. ഇതിന്റെ അടിസ്ഥാനത്തിൽ മാസ്ക് നിർബന്ധമാക്കി സർക്കാർ ഉത്തരവ് ഇറക്കിയിരുന്നു. രാജ്യത്ത് ഒരു വർഷത്തിനിടെ ഏറ്റവും കൂടുതൽ കൊറോണ മരണങ്ങൾ സ്ഥിരീകരിച്ച സംസ്ഥാനമാണ് കേരളം.
