ന്യൂഡൽഹി: മനീഷ് സിസോദിയയെ പ്രതിരോധിക്കാൻ ശ്രമിക്കുന്നവർക്ക് ചുട്ടമറുപടി യുമായി കേന്ദ്ര മന്ത്രി അനുരാഗ് ഠാക്കൂർ. കണക്കിൽപെടാത്ത അനധികൃത സ്വത്ത് സമ്പാദിക്കുന്നവർക്കെതിരെയാണ് അന്വേഷണം നടക്കുന്നതെന്നും ധാരാളം പണമുണ്ടാക്കു ന്നതിനാൽ മനീഷ് എന്ന പേര് മാറ്റി ‘മണീഷ്’ എന്നാക്കുന്നതാണ് നല്ലതെന്ന പരിഹാസമാണ് ഠാക്കൂർ ഉയർത്തിയത്.
‘മനീഷ് ജീ..താങ്കളുടെ മദ്യനയം നല്ലതാണ്. പിന്നെ എന്തിനാണ് അത് പിൻവലിച്ചത്. അതിലൂടെ താങ്കൾ മദ്യ വ്യവസായികളുടെ കള്ളത്തരത്തിന് കൂട്ടുനിന്നു എന്ന സംശയമാണ് ഉയർന്നി രിക്കുന്നത്. തെളിവുകളും പുറത്തുവരുന്നു. താങ്കളുടെ നേതാവും രാജ്യത്ത് അഴിമതി വിരുദ്ധ ഭരണത്തിനായി മുറവിളി കൂട്ടുന്ന അരവിന്ദ് കേജ്രിവാൾ രാജ്യത്തെ ജനങ്ങളോട് ഉത്തരം പറയണം’ അനുരാഗ് ഠാക്കൂർ പറഞ്ഞു.
ഇന്നലെ മുതലാണ് സിബിഐ ഡൽഹി ഉപമുഖ്യമന്ത്രിയുമായി ബന്ധപ്പെട്ട് റെയ്ഡുകൾ ആരംഭിച്ചത്. മദ്യശാലകൾ അനുവദിച്ചതുമായി ബന്ധപ്പെട്ട വിഷയത്തിൽ മുപ്പതിലധികം കേന്ദ്രത്തിലാണ് സിബിഐ റെയ്ഡുകൾ നടത്തിയത്. താൻ ഉന്നയിച്ച ചോദ്യങ്ങൾക്ക് ഉത്തരം നൽകാൻ മനീഷ് സിസോദിയയെ അനുരാഗ് ഠാക്കൂർ വെല്ലുവിളിച്ചു.
Comments