ടോക്കിയോ: ലോക ബാഡ്മിന്റൺ ചാമ്പ്യൻഷിപ്പിൽ ഇന്ത്യൻ പുരുഷ-വനിതാ താരങ്ങൾക്ക് ജയവും തോൽവിയും. പുരുഷ വിഭാഗത്തിൽ എച്ച്.എസ്.പ്രണോയിയും ലക്ഷ്യസെന്നും പ്രീക്വാർട്ടറിൽ കടന്നപ്പോൾ എം.ആർ.അർജ്ജുൻ- ധ്രുവ് കപില സഖ്യം ഡബിൾസിലും പ്രീക്വാർട്ടറിൽ കടന്നു. സീനിയർ താരം കിഡംബി ശ്രീകാന്ത് പ്രീക്വാർട്ടർ കാണാതെ പുറത്തായി.
പ്രണോയി ലോക ചാമ്പ്യനായ കെൻറോ മൊമോട്ടയെ 21-17,21-16നാണ് തോൽപ്പിച്ചത്. രണ്ടാം മത്സരത്തിൽ ലക്ഷ്യ സെൻ സ്പെയിനിന്റെ ലൂയിസ് പെനാൽവറിനെ 21-17, 21-10നാണ് തോൽപ്പിച്ചത്. ഇതിനിടെ കിഡംബി ശ്രീകാന്ത് സാവോ ജുൻപെംഗിനോട് 9-21, 17-21ന് അടിയറ പറഞ്ഞു.
പുരുഷ ഡബിൾസിൽ ഇന്ത്യൻ താരങ്ങൾ മുന്നേറി. എം.ആർ.അർജ്ജുൻ-ധ്രുവ് കപില സഖ്യം 21-17, 21-16ന് ഡെൻമാർക്കിന്റെ കിം ആസ്ട്രപ്-ആൻഡേഴ്സ് സ്കാറെപ്പിനെ 21-17, 21-16ന് പരാജയപ്പെടുത്തി.
വനിതകളുടെ പോരാട്ടത്തിൽ അശ്വിനി പൊന്നപ്പ-സിക്കി റെഡ്ഡി സഖ്യം ചൈനയുടെ ചെൻ ക്വിൻ-ജിയായീ സഖ്യത്തോട് തോറ്റ് പുറത്തായി. മറ്റൊരു മത്സരത്തിൽ പൂജ സന്തോഷ്-സഞ്ജന സഖ്യം ദക്ഷിണ കൊറിയയുടെ ലീ സോ ഹീ-ഷിൻ സുംഗ് സഖ്യത്തോടാണ് പരാജയപ്പെട്ടത്.
Comments