ബംഗളൂരു: ഇന്ത്യയ്ക്കെതിരെ നിരന്തരം പ്രകോപനം നടത്തുന്ന ചൈനയെ പിന്തുണയ്ക്കുന്ന സദസ്സുമായി കർണ്ണാടകയിലെ കോൺഗ്രസ്സ് നേതൃത്വം. ഇന്ത്യ-ചൈന ഫ്രണ്ട്ഷിപ്പ് അസോസി യേഷന്റെ പേരിലാണ് പരിപാടി സംഘടിപ്പിച്ചിരിക്കുന്നത്. അതിർത്തിയിലും അന്താരാഷ്ട്ര തലത്തിലും ചൈന ഇന്ത്യാ വിരുദ്ധ നീക്കങ്ങൾ നടത്തുന്നതിനിടെ കോൺഗ്രസ്സിന്റെ നീക്കം തീർത്തും രാജ്യദ്രോഹപരമായി മാറുകയാണ്. കോൺഗ്രസ്സ് ചൈനയ്ക്കായി വാദിക്കുന്നു എന്ന ബിജെപിയുടെ വാദത്തെ ശരിവയ്ക്കുന്ന നടപടിയാണ് പുറത്തുവരുന്നത്.
ചൈനയ്ക്കെതിരെ അമേരിക്ക നടത്തുന്ന ആഗോളനീക്കത്തിനെതിരായ കൂട്ടായ്മയെന്നാണ് ക്ഷണക്കത്തിലുളളത്. ചൈനയുടെ ചിത്രപ്രദർശനവും പരിപാടിയുടെ ഭാഗമാണ്. എംഎൽഎ ശ്രീനിവാസ് ഗൗഡ അദ്ധ്യക്ഷനായാണ് പരിപാടി സംഘടിപ്പിച്ചിരിക്കുന്നത്.
മുൻ കർണ്ണാടക മുഖ്യമന്ത്രി സിദ്ധരാമയ്യ, ചൈനയുടെ ഇന്ത്യയിലെ സ്ഥാനപതി സുൻ വീ ഡോംഗ്, മുബൈ ചൈനീസ് കോൺസുലേറ്റ് ജനറൽ കോംഗ് സിയാൻഹ്വാ എന്നിവരാണ് മുഖ്യാതിഥികൾ. കർണ്ണാടക മുൻ ഉപമുഖ്യമന്ത്രി എച്ച്.സി.മഹാദേവപ്പ, രാജ്യസഭാ എം.പി എൽ.ഹനുമന്തയ്യ, ചൈനാ-ഇന്ത്യാ സൗഹൃദ സമിതി അദ്ധ്യക്ഷൻ പി.ജി.ആർ.സിന്ധ്യ എന്നി വരും പരിപാടിയിൽ പങ്കെടുക്കുന്നുണ്ട്.
Comments