ഇടുക്കി : ബസ് സ്റ്റാൻഡിൽ മർദ്ദനമേറ്റ സ്വകാര്യ ബസ് ക്ലീനർക്കെതിരെ പോക്സോ കേസ്. വെള്ളാവൂർ ചെറുവള്ളി സ്വദേശി ടി കെ അച്ചുമോന് എതിരെയാണ് കേസ് ചുമത്തിയത്. ഇയാൾ ജീവനക്കാരനായ ബസിൽ യാത്ര ചെയ്ത പെൺകുട്ടിയോട് പ്രണയാഭ്യർഥന നടത്തുകയും അപമര്യാദയായി പെരുമാറി എന്നുമാണ് പരാതി.
ഇതിന് മുമ്പും പെൺകുട്ടിയോട് യുവാവ് അപമര്യാദയായി പെരുമാറിയിരുന്നു. പെൺകുട്ടിയുടെ കൈയ്ക്ക് പിടിക്കുകയും അരയിൽ പിടിച്ച് തള്ളുകയും ചെയ്തതായി പരാതിയിൽ പറയുന്നു.
വിവരം രക്ഷിതാക്കളോടും ഒപ്പം യാത്രചെയ്ത കൂട്ടുകാരോടും കുട്ടി പറഞ്ഞിരുന്നു. ഇവരും പെൺകുട്ടിയുടെ മൊഴി ശരിയാണെന്ന് അറിച്ചതോടെയാണ് യുവാവിനെ പോക്സോ ചുമത്തി പോലീസ് അറസ്റ്റ് ചെയ്യുന്നത്. സംഭവത്തിൽ യുവാവിനെ മർദ്ദിച്ച പെൺകുട്ടിയുടെ സഹോദരൻ ഒളിവിലാണ്. വധശ്രമത്തിനാണ് സഹോദരനെതിരെ പോലീസ് കേസെടുത്തിരിക്കുന്നത്.
Comments