ഗുരുഗ്രാം: ഹരിയാനയിലെ ഗുരുഗ്രാമിൽ ബിജെപി പ്രവർത്തകനെ വെടിവെച്ച് കൊലപ്പെടുത്തി. സുഖ്ബീർ സിംഗ് എന്ന 52 വയസ്സുകാരനാണ് കൊല്ലപ്പെട്ടത്. വസ്ത്രവ്യാപാര ശാലയിൽ വെച്ച് പകൽ 3.30ഓടെ അഞ്ചംഗ സംഘം സുഖ്ബീറിന് നേരെ വെടിയുതിർക്കുകയായിരുന്നു.
മാരകമായി പരിക്കേറ്റ സുഖ്ബീറിനെ പിന്നീട് ആശുപത്രിയിൽ പ്രവേശിപ്പിച്ചുവെങ്കിലും മരണം സംഭവിക്കുകയായിരുന്നു. സദാർ ബസാറിലെ ഗുരുദ്വാര റോഡിലായിരുന്നു സംഭവം. കൊലയാളി സംഘത്തിന്റെ സിസിടിവി ദൃശ്യങ്ങൾ പോലീസിന് ലഭിച്ചിട്ടുണ്ട്. പ്രതികൾക്കായി തിരച്ചിൽ ആരംഭിച്ചതായി പോലീസ് അറിയിച്ചു.
ബിജെപി സോന മാർക്കറ്റ് യൂണിറ്റ് മുൻ വൈസ് പ്രസിഡൻ്റായിരുന്നു കൊല്ലപ്പെട്ട സുഖ്ബീർ സിംഗ്. കൊലപാതകത്തിന് പിന്നിലെ കാരണം വ്യക്തമല്ലെന്ന് പോലീസ് അറിയിച്ചു. സംഭവത്തിന് പിന്നിൽ രാഷ്ട്രീയ വൈരാഗ്യമുണ്ടോ എന്നതും അന്വേഷിച്ച് വരികയാണെന്നും പോലീസ് പറഞ്ഞു.
Comments