ശ്രീനഗർ : ജമ്മു കശ്മീരിൽ വൻ ഭീകരാക്രമണ പദ്ധതി തകർത്ത് പോലീസ്. 1500 ഓളം റൈഫിൾ ബുളളറ്റുകൾ പിടിച്ചെടുത്തു. ബരാമുള്ള ജില്ലയിലാണ് സംഭവം. യഥാർത്ഥ നിയന്ത്രണ രേഖയ്‌ക്കടുത്തുള്ള വീടിന് സമീപത്ത് നിന്നാണ് ഇത് കണ്ടെടുത്തത്. സംഭവത്തിൽ വീട്ടുടമയെ പോലീസ് അറസ്റ്റ് ചെയ്തു.
കശ്മീർ പോലീസും 52 രാഷ്‌ട്രീയ റൈഫിൾസും സംയുക്തമായാണ് പരിശോധന നടത്തിയത്. തിരച്ചിൽ നടത്തുന്നതിനിടെ ബന്ദി ബാല മേഖലയിൽ നിന്ന് 1470 എകെ റൈഫിൾ ബുളളറ്റുകൾ സംഘം കണ്ടെടുത്തതായി പൊലീസ് ഉദ്യോഗസ്ഥൻ പറഞ്ഞു. സംഭവത്തിൽ കേസെടുത്ത് അന്വേഷണം ആരംഭിച്ചതായും ഉദ്യോഗസ്ഥർ കൂട്ടിച്ചേർത്തു.
