പ്രഖ്യാപനം മുതൽ പ്രേക്ഷകർ ഏറെ കാത്തിരുന്ന ചിത്രമാണ് നിവിൻ പോളിയുടെ പടവെട്ട് . ആരാധകരെ ആകാംക്ഷയിലാക്കി ചിത്രത്തിന്റെ ടീസർ പുറത്ത് വിട്ടിരിക്കുകയാണ് അണിയറ പ്രവർത്തകർ. നവാഗതനായ ലിജു കൃഷ്ണ തിരക്കഥ എഴുതി സംവിധാനം ചെയ്യുന്ന ചിത്രം നിർമ്മിക്കുന്നത് നടൻ സണ്ണി വെയ്ൻ ആണ്.ചിത്രം ഒക്ടോബർ 21ന് തീയേറ്ററുകളിൽ പ്രദർശനത്തിന് എത്തും.
പ്രധാനവേഷത്തിൽ മഞ്ജു വാര്യരും ചിത്രത്തിൽ എത്തുന്നുണ്ട്. സണ്ണി വെയ്ൻ, ഷമ്മി തിലകൻ, ഷൈൻ ടോം ചാക്കോ, ഇന്ദ്രൻസ്, സുധീഷ്, വിജയരാഘവൻ എന്നിങ്ങനെ വലിയൊരു താരനിര തന്നെ ചിത്രത്തിൽ അഭിനയിക്കുന്നുണ്ട്. ഗോവിന്ദ് വസന്തയാണ് സംഗീതം. ദീപക് ഡി മേനോൻ ഛായാഗ്രഹണവും, ഷെഫീഖ് മുഹമ്മദ് അലി എഡിറ്റിങ്ങും, രംഗനാഥ് രവി സൗണ്ട് ഡിസൈനിങ്ങും, സുഭാഷ് കരുൺ ആർട് ഡയറക്ഷനും നിർവഹിക്കുന്നു.
പുറത്ത് വന്ന് നിമിഷങ്ങൾക്കകം വലിയ സ്വീകാര്യതയാണ് ടീസറിന് ലഭിച്ചു കൊണ്ടിരിക്കുന്നത്.നിവിൻ പോളിയുടെ സിനിമാ കരിയറിലെ മറ്റൊരു പൊൻതൂവൽ ആകും ചിത്രമെന്ന് ടീസർ വ്യക്തമാക്കുന്നു. ഇതോടെ താരത്തിന്റെ ആരാധകരും ആവേശത്തിലാണ്.
Comments