നമ്മൾ എന്ന മലയാള ചലച്ചിത്രത്തിലൂടെസിനിമയിലേക്ക് എത്തിയ ഭാവന ഇന്ന് മലയാളികളുടെ പ്രിയതാരമാണ്. മലയാളത്തിന് പുറമെ ഇന്ന് തമിഴ്, തെലുങ്ക്, കന്നട തുടങ്ങി അന്യഭാഷാ ചിത്രങ്ങളിലും താരം സജീവമാണ്. സമൂഹ്യമാദ്ധ്യമങ്ങളിൽ താരം പങ്കുവയ്ക്കുന്ന വീഡിയോകൾ ആരാധകർ ഇരുകൈയ്യും നീട്ടിയാണ് സ്വീകരിക്കാറ്. അത്തരത്തിലോരു വീഡിയോയാണ് സമൂഹമാദ്ധ്യമങ്ങളിൽ ഇപ്പോൾ പ്രചരിക്കുന്നത്.
കൂട്ടുകാരികൾക്കൊപ്പം മുണ്ട് മടക്കി കുത്തി സൈന്യത്തിലെ ഹിറ്റ് പാട്ടിന് ചുവട്് വയ്ക്കുന്ന വീഡിയോ ആണ് താരം പങ്കുവച്ചിരിക്കുന്നത്. ശില്പ ബാല, മൃദുല മുരളി, ഷഫ്ന എന്നിവരാണ് ഭാവനയ്ക്ക് ഒപ്പം റീൽസിൽ ഉള്ളത്. പങ്കുവച്ച് നിമിഷങ്ങൾക്കുള്ളിൽ തന്നെ വീഡിയോ ആരാധകരും സോഷ്യൽ മീഡിയയും ഏറ്റെടുത്ത് കഴിഞ്ഞു.
അതേസമയം കഴിഞ്ഞ കുറച്ച് നാളുകളായി തരം മലയാള സിനിമയിൽ സജീവമായിരുന്നില്ല. തിരിച്ച് വരവിനുള്ള ഒരുക്കത്തിലാണ് താരം ഇപ്പോൾ. ‘ന്റിക്കാക്കാക്കൊരു പ്രേമണ്ടാർന്ന്’ എന്ന ചിത്രത്തിലൂടെയാണ് ഭാവനയുടെ തിരിച്ചുവരവ്. ആദിൽ മൈമൂനത്ത് അഷ്റഫ് സംവിധാനം ചെയ്യുന്ന ചിത്രത്തിൽ ഷറഫുദ്ധീനാണ് മറ്റൊരു പ്രധാനകഥാപാത്രത്തെ അവതരിപ്പിക്കുന്നത്. ഇതിന് പുറമെ ഭദ്രൻ സംവിധാനം ചെയ്യുന്ന സിനിമയിലും ഭാവന പ്രധാന കഥാപാത്രത്തെ അവതരിപ്പിക്കുന്നുണ്ട്. ഭദ്രന്റെ ‘ഇഒ’ എന്ന ചിത്രത്തിലാണ് ഭാവന അഭിനയിക്കുന്നത്. ഷെയ്ൻ നിഗമാണ് ഈ ചിത്രത്തിലെ നായകൻ.’ഇഒ എലിയാവൂ കോഹൻ’ എന്ന ജൂതനായിട്ടാണ് ഷെയ്ൻ അഭിനയിക്കുന്നത്.
