ഇടുക്കി: ലേലത്തിൽ വിറ്റ മത്തങ്ങയുടെ വില കേട്ട് ഞെട്ടിയിരികക്കുകയാണ് പുറം ലോകം. 47,000 രൂപയ്ക്കാണ് ഓണാഘോഷത്തിൽ സൗജന്യമായി ലഭിച്ച മത്തങ്ങ ലേലത്തിൽ പോയത് ഇടുക്കി രാജാക്കാട് ചെമ്മണ്ണാറിലാണ് രസകരമായ സംഭവം.
ഓണാഘോഷത്തോടനുബന്ധിച്ചാണ് ജനകീയ ലേലം നടത്തിയത്. സംഘാടകർക്ക് സൗജന്യമായി ലഭിച്ച മത്തങ്ങയാണ് വൻ തുകയ്ക്ക് വിറ്റുപോയത്. അഞ്ച് കിലോ ഭാരമുള്ള മത്തങ്ങയാണ് ചെമ്മണ്ണാറിലെ യുവാക്കൾ സ്വന്തമാക്കിയത്.
ജനങ്ങൾ വാശിയോടെ പങ്കെടുത്ത ലേലത്തിൽ മത്തങ്ങയുടെ വില റോക്കറ്റ് പോലെ കുതിച്ചുരുകയായിരുന്നു.വില കേട്ട് സംഘാടകരും അന്തം വിട്ടു. ലേല ലഹരിക്കിടയിൽ മഴ തടസ്സം സൃഷ്ടിച്ചെങ്കിലും ആവേശത്തിന് കുറവുണ്ടായില്ല.
പൊന്നും വിലയ്ക്ക് സ്വന്തമാക്കിയ മത്തങ്ങയുമായി നൃത്തം ചെയ്താണ് യുവാക്കൾ വീടുകളിലേക്ക് മടങ്ങിയത്. ആടു കോഴിയും വാഴകുലയും വൻ തുകയ്ക്ക് ലേലത്തിൽ വിറ്റു പോകാറുണ്ടെങ്കിലും മത്തങ്ങ ആദ്യമായാണ് ഭീമമായ തുകയ്ക്ക് വിറ്റു പോയതെന്ന് സംഘാടകർ വ്യക്തമാക്കി.
Comments