കോഴിക്കോട് : കോഴിക്കോട് 12 വയസുകാരനെ തെരുവ് നായ കടിച്ചു. നാദാപുരത്താണ് സംഭവം. വിലങ്ങാട് മലയങ്ങാട് സ്വദേശി അങ്ങാടി പറമ്പിൽ ജയന്റെ മകൻ ജയസൂര്യക്കാണ് കടിയേറ്റത്.
രാവിലെ 11 മണിക്ക് വിലങ്ങാട് പെട്രോൾ പമ്പ് പരിസരത്ത് വെച്ചാണ് തെരുവ് നായ ആക്രമണം നടന്നത്. സഹോദരനൊപ്പം കടയിൽ നിന്ന് സാധനങ്ങൾ വാങ്ങി വീട്ടിലേക്ക് പോവുമ്പോൾ റോഡിലുണ്ടായിരുന്ന നായ ചാടി കടിക്കുകയായിരുന്നു. കാലിന്റെ തുടയിലാണ് കടിയേറ്റത്.
സംസ്ഥാനത്ത് തെരുവ് നായ ശല്യം വർദ്ധിക്കുകയാണ്. പേ വിഷബാധയേറ്റ് നിരവധി പേർ മരിക്കുകയും ചെയ്യുന്നു. ഇതിനെതിരെ നടപടിയെടുക്കാനോ നായ ശല്യം ഇല്ലാതാക്കാനോ സർക്കാർ നടപടികൾ സ്വീകരിക്കാൻ വൈകുന്ന സാഹചര്യത്തിലാണ് ഇത്തരം സംഭവങ്ങൾ ആവർത്തിക്കുന്നത്.
