കോഴിക്കോട്/ കൊല്ലം : സംസ്ഥാനത്ത് തെരുവ് നായ ശല്യം രൂക്ഷമാകുന്നു. തെരുവ് നായ ബൈക്കിന് കുറുകെ ചാടി കൊല്ലത്തും കോഴിക്കോടും അപകടം നടന്നു. മൂന്ന് പേർക്ക് പരിക്കേറ്റു.
കൊല്ലത്ത് നായ വാഹനത്തിന് കുറുകെ ചാടിയതിനെ തുടർന്ന് കൊട്ടാരക്കര സ്വദേശി കവിതയ്‌ക്ക് ഗുരുതരമായി പരിക്കേറ്റു. അപകടത്തിൽ യുവതിയുടെ കാൽ ഒടിഞ്ഞു തൂങ്ങി.
കോഴിക്കോടും സമാനമായ സംഭവമാണ് നടന്നത്. അമ്മയും മകനും സഞ്ചരിക്കുന്ന ബൈക്കിന് നേരെയാണ് നായ ചാടിയത്. അപകടത്തിൽ പേരാമ്പ്ര സ്വദേശി മല്ലിക, മകൻ രജിൽ എന്നിവർക്ക് പരിക്കേറ്റു. മല്ലികയ്‌ക്ക് തലയ്‌ക്കാണ് പരിക്കേറ്റത്. ഇവരെ കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റിയിട്ടുണ്ട്.
നേരത്തെ കുട്ടിയെ തെരുവ് നായ കടിച്ചുകീറുന്ന സിസിടിവി ദൃശ്യങ്ങൾ പുറത്തുവന്നിരുന്നു.
ഏഴാം ക്ലാസ് വിദ്യാർത്ഥിനി നൂറാസിനെയാണ് തെരുവ് നായ ആക്രമിച്ചത്. സൈക്കിളിലായിരുന്ന നൂറാസിന് നേരെ നായ ചാടിവീഴുന്നതും നിലത്ത് വീണ ശേഷം കൈയിൽ കടിച്ച് വലിച്ച് കൊണ്ടു പോകാൻ ശ്രമിക്കുന്നതും ദൃശ്യങ്ങളിലുണ്ട്.
Comments