മോസ്‌കോ: യൂറോപ്പിനുണ്ടായിരിക്കുന്ന ഊർജ്ജ പ്രതിസന്ധിക്ക് തങ്ങളല്ല ഉത്തരവാദിയെന്ന് പുടിൻ. യൂറോപ് നോര്ഡ് സ്ട്രീം പൈപ്പ് ലൈൻ തുറന്നാൽ തീരുന്ന പ്രശ്‌നമേയുള്ളുവെന്നും പുടിൻ പറഞ്ഞു.
യൂറോപ് പ്രകൃതി വാതകത്തിനായി റഷ്യയെയാണ് ആശ്രയിച്ചിരുന്നത്. യുദ്ധം ആരംഭിച്ചതോടെ റഷ്യൻ കമ്പനിയായ ഗാസ്‌പ്രോം നോർഡ് സ്ട്രീം-1 പൈപ്പ് ലൈൻ പൂട്ടുകയായിരുന്നു. എന്നാൽ നോർഡ് സ്ട്രീം-2 എന്ന പൈപ്പ് ശൃംഖല തുറന്നാൽ വാതകം യഥേഷ്ടം ലഭിക്കുമെന്നും റഷ്യ പറഞ്ഞു.
എന്നാൽ റഷ്യയ്‌ക്കെതിരായ ഉപരോധം തീരുമാനിച്ചതോടെയാണ് രണ്ടാം പൈപ്പ് ലൈൻ യൂറോപ് അടച്ചത്. ഇതിന് ബദലായിട്ടാണ് റഷ്യ ഒന്നാം നമ്പർ പൈപ്പ് ലൈൻ അടച്ചത്. 55 ബില്യൺ ക്യൂബിക് മീറ്റർ വാതകമാണ് പ്രതിവർഷം യൂറോപ്പ് എടുത്തിരുന്നതെന്നും പുടിൻ പറഞ്ഞു. ഇതിനൊപ്പം ഹരിത ലോകത്തിന്റെ പേരിൽ നയവ്യത്യാസം ഉണ്ടായതോടെ ഫോസിൽ ഇന്ധനങ്ങളും യൂറോപ് നിർത്തി.
