തിരുവനന്തപുരം: നെയ്യാറ്റിൻകരയിൽ എട്ട് വയസ്സുകാരനെ ബിയർ കുടിപ്പിച്ചു. കുട്ടിയുടെ ഇളയച്ഛൻ മനുവാണ് ബിയർ കുടിപ്പിച്ചത്. സംഭവത്തിൽ രക്ഷിതാക്കളുടെ പരാതിയിൽ പോലീസ് കേസ് എടുത്തു.
തിരുവോണ ദിനത്തിലായിരുന്നു സംഭവം. കുട്ടിയെ നിർബന്ധിച്ച് ബിയർ കുടിപ്പിക്കുന്നതിന്റെ ദൃശ്യങ്ങൾ ചില വാട്സ് ആപ്പ് ഗ്രൂപ്പുകളിൽ പ്രചരിച്ചിരുന്നു. ഇതോടെയായിരുന്നു സംഭവം പുറത്തറിഞ്ഞത്. കുട്ടിയ്ക്കൊപ്പം ബിവറേജിൽ പോയാണ് മനു ബിയർ വാങ്ങിയത് എന്നാണ് വിവരം.
വീട്ടിൽ ആരും ഇല്ലാത്ത നേരത്ത് ആയിരുന്നു മനു കുട്ടിയെ ഭീഷണിപ്പെടുത്തി മദ്യം കുടിപ്പിച്ചത്. ആരും ചോദിക്കാനില്ലെന്ന് പറഞ്ഞ ഇയാൾ മടിച്ചു നിന്ന കുട്ടിയെ അസഭ്യം പറയുകയും ചെയ്തു. ഇതേ തുടർന്നാണ് കുട്ടി ബിയർ കുടിച്ചത്. ഇതിന്റെ ദൃശ്യങ്ങൾ ആരാണ് പകർത്തിയത് എന്ന കാര്യം വ്യക്തമല്ല. ദൃശ്യങ്ങൾ കണ്ടതോടെ കുട്ടിയുടെ രക്ഷിതാക്കൾ പോലീസിൽ പരാതി നൽകുകയായിരുന്നു. മൂന്നാം ക്ലാസ് വിദ്യാർത്ഥിയാണ് കുട്ടി.
