അരൂർ: ഭാരത് ജോഡോ യാത്രയിൽ അടിച്ച് പൊളിച്ച് രാഹുൽഗാന്ധി. തുറവൂർ ക്ഷേത്രത്തിന് മുന്നിൽ പെരുവനം കുട്ടൻമാരാരുടെ പ്രമാണത്തിൽ നൂറ് വാദ്യകലാകാരന്മാർ പങ്കെടുത്ത പഞ്ചാരിമേളത്തിലും രാഹുൽ ഗാന്ധി പങ്കെടുത്തു.
പെരുവനത്തിന്റെ ചെണ്ടയിൽ ചെണ്ടക്കോലുകൾ വാങ്ങി താളമിട്ട് പരീക്ഷിച്ച് സന്തോഷവാനായാണ് രാഹുൽ അദ്ദേഹത്തെ പൊന്നാടയണിയിച്ചത്.പരസ്പരം കൈകൂപ്പി വണങ്ങി ഇരുവരും അഭിവാദ്യം ചെയ്തു.
കഴിഞ്ഞ ദിസം അരൂരിൽ ഭാരത് ജോഡോ യാത്രക്കിടെ പോലീസും കോൺഗ്രസ് പ്രവർത്തകരും തമ്മിൽ സംഘർഷമുണ്ടായിരുന്നു.കെ.എസ്.യു പ്രസിഡന്റ് കെഎം അഭിജിത്തിനെ പോലീസ് തടഞ്ഞതാണ് പ്രവർത്തകരെ പ്രകോപിച്ചത്. അരൂരിൽ രാഹുൽ ഗാന്ധി സ്റ്റേജിൽ കയറിയതിന് പിന്നാലെയായിരുന്നു സംഭവം.
രാഹുലിനൊപ്പം വേദിക്ക് സമീപത്തേക്ക് പോകാൻ വന്ന അഭിജിത്തിനെ പോലീസ് തടയുകയായിരുന്നു. ഇതേ ചൊല്ലി പ്രവർത്തകരും പോലീസും തമ്മിൽ വാക്കേറ്റവും ഉന്തും തള്ളും ഉണ്ടാവുകയായിരുന്നു.
അതേസമയം രാഹുൽ ഗാന്ധി നയിക്കുന്ന ഭാരത് ജോഡോ യാത്ര ഇന്ന് എറണാകുളം ജില്ലയിൽ പര്യടനം ആരംഭിച്ചു. എറണാകുളത്ത് രണ്ട് ദിവസത്തെ പര്യടനമാണ് നടക്കുക.ഭാരത് ജോഡോ യാത്ര കടന്നു പോകുന്ന ദേശീയപാതയിൽ ഗതാഗത ക്രമീകരണവും ഏർപ്പെടുത്തിയിട്ടുണ്ട്.
