മനുഷ്യന്റെ നിലനിൽപ്പിന് അത്യന്താപേഷികമായ ഒന്നാണ് കൃഷി. മനുഷ്യകുലത്തെ തീറ്റി പോറ്റുന്നത് കൃഷിയിലൂടെയാണെന്ന് സാരം. അദ്ധ്വാനത്തിലൂടെ മണ്ണിൽ പൊന്നുവിളയിക്കാൻ ശ്രമിക്കുന്ന മനുഷ്യൻ പലതരം പ്രതിസന്ധികളാണ് നേരിടുന്നത്. കാലാവസ്ഥാ വ്യതിയാനം,മണ്ണിന്റെ പ്രശ്നങ്ങൾ,പണ ചെലവ്, വന്യമൃഗങ്ങളുടെ ആക്രമണം ഇവയെല്ലാം കർഷകൻ നിരന്തരം അനുഭവിക്കുന്ന പ്രശ്നങ്ങളാണ്.
ഏറെ പ്രതീക്ഷയോടെ വിളവിറക്കുന്ന കൃഷിയിടം നശിപ്പിക്കുന്ന കാട്ടുപന്നികൾ എപ്പോഴും മനുഷ്യന് തലവേദനയാണ്. നിയമപ്രശ്നങ്ങൾ കാരണം ഇവയെ കൊല്ലാനാവില്ലെങ്കിലും ഇവയുടെ ശല്യം തടയാൻ പലവഴികളുണ്ട്. എന്തൊക്കെയാണെന്ന് നോക്കാം.
ഫിനോയിൽ 5 -10 എംൽ അറക്കപ്പൊടിയുമായി കലർത്തി കിഴി കെട്ടി കൃഷി സ്ഥലത്ത് വിതറിയാൽ ഒരു പരിധി വരെ പന്നി ശല്യം ഇല്ലാതാക്കാം.
ബാർബർ ഷോപ്പുകളിൽ നിന്നും ശേഖരിക്കുന്ന വെയ്സ്റ്റ് മുടി ഉപയോഗിച്ചും പന്നികളെ തുരത്താം. ഇവ കൃഷിയിടത്തിൽ പലയിടങ്ങളായി വിതറിയിടാം. നമ്മുടെ മുടിക്കും മനുഷ്യന്റെ ഗന്ധം ഉണ്ട്. കാട്ടുപന്നി വളരെയധികം ഘ്രാണശക്തിയുള്ള മൃഗമാണ്. ഇത് മൂലം ഈ മണം അവ പിടിച്ചെടുക്കുകയും മനുഷ്യൻ അവിടെ ഉണ്ട് എന്ന് തെറ്റിദ്ധരിച്ച് കൃഷിയിടത്തിൽ കയറാതെ ഇരിക്കുകയും,കയറിയാൽ തന്നെ മനുഷ്യന്റെ സാന്നിദ്ധ്യമുണ്ടെന്ന് തെറ്റദ്ധരിച്ച് പിൻവാങ്ങുകയും ചെയ്യും.
തേനീച്ച കൃഷി ചെയ്താൽ കാട്ടുപന്നികളെ ഓടിക്കാം
വെള്ള പാസ്റ്റിക്ക് സഞ്ചി 1 മീറ്റർ നീളമുള്ള ഒരു കമ്പ് കുത്തി നാട്ടി അതിന്റെ മുകളിൽ വെറുതെ ഇടുക. ഇത് കാറ്റിൽ ഇളകി ആടുന്ന വിധത്തിൽ ഒന്ന് കെട്ടി വച്ചാൽ പരിധിവരെ പന്നി ശല്യം കുറക്കാം
ബോറെപ് ഉപയോഗിക്കുക-പ്രകൃതി സൗഹാർദ്ദപരമായ ഒരു രീതിയാണിത്. വിഷമയമല്ലാത്ത ഇവയുടെ രൂക്ഷഗന്ധമാണ് പന്നികളെ കൃഷിയിടത്തിൽ നിന്നും അകറ്റുന്നത്. കൃഷിഭവനിൽ ഇത് ലഭ്യമാണ്.
Comments