രുചി കൊണ്ടും വൈവിധ്യങ്ങൾകൊണ്ടും നമ്മുടെ രസമുകുളങ്ങളെ കീഴടക്കിയവയാണ് ബേക്കറി പലഹാരങ്ങൾ. അതുകൊണ്ടുതന്നെ ബേക്കറി പലഹാരങ്ങൾ ദിവസേന കഴിക്കുന്നവരാകും നമ്മിൽ ഭൂരിഭാഗവും. എന്നാൽ ഇത്തരം പലഹാരങ്ങൾ നമുക്ക് പ്രത്യേകിച്ച് കുട്ടികൾക്കും പ്രായമായവർക്കും നിരവധി ആരോഗ്യപ്രശ്നങ്ങൾ ആകും ഉണ്ടാക്കുക.
ബേക്കറി പലഹാരങ്ങളിൽ ലഡ്ഡു, ജിലേബി തുടങ്ങിയ മധുര പലഹാരങ്ങളോട് ആയിരിക്കും നമുക്ക് ഏറ്റവും പ്രിയം. കാരണം ഇതിന്റെ മധുരം തന്നെയാണ്. പഞ്ചസാരയെക്കാൾ വില കുറഞ്ഞ രാസപദാർത്ഥങ്ങളാണ് മധുരത്തിനായി ഇത്തരം പലഹാരങ്ങളിൽ ചേർക്കുന്നത്. ഇത് അമിത അളവിൽ ശരീരത്തിനുള്ളിൽ പോയാൽ ക്യാൻസർ ഉൾപ്പെടെ ഗുരുതരമായ രോഗങ്ങൾക്ക് കാരണമാകും.
കണ്ണഞ്ചിപ്പിക്കുന്ന നിറങ്ങളാണ് ബേക്കറി പലഹാരങ്ങളുടെ മറ്റൊരു ആകർഷണീയത. എന്നാൽ നിറങ്ങൾക്കായി ഉപയോഗിക്കുന്ന ഈ ഫുഡ് കളറുകൾ ഏറെ മാരകമാണ്. കിഡ്നി തകരാർ, കരൾ രോഗം, ക്യാൻസർ, കുടൽ സംബന്ധമായ അസുഖങ്ങൾ എന്നിവയാണ് ഇത്തരം കളറുകൾ ഉണ്ടാക്കുന്ന ആരോഗ്യപ്രശ്നങ്ങൾ.
ഒരിക്കൽ ഉപയോഗിച്ച എണ്ണ തന്നെയാണ് പലഹാരങ്ങൾ ഉണ്ടാക്കാൻ ബേക്കറികളിൽ സാധാരണയായി ഉപയോഗിക്കാറ്. ഇത് കൊളസ്ട്രോൾ, ഹൃദയാഘാതം, പ്രമേഹം, ക്യാൻസർ തുടങ്ങിയ അസുഖങ്ങൾക്ക് കാരണാകും. ഫാറ്റി ലിവറിനും ഉപയോഗിച്ച എണ്ണയിൽ വീണ്ടും ഭക്ഷണം പാകം ചെയ്യുന്നത് വഴിവയ്ക്കും.
പഫ്സ്, സമൂസ തുടങ്ങിയവ ഉണ്ടാക്കാൻ ഉപയോഗിക്കുന്ന പ്രധാന വസ്തുവാണ് മൈദ. ഇത് ദഹന സംബന്ധമായ അസുഖങ്ങൾക്ക് കാരണമാകും.
Comments