ഭോപ്പാൽ: പത്താം ക്ലാസുകാരിയുടെ ബാഗിനുള്ളിൽ നിന്നും പാമ്പിനെ കണ്ടെടുത്തു. മദ്ധ്യപ്രദേശിലെ ഷാജാപൂരിലായിരുന്നു സംഭവം. ബാഗിനുള്ളിൽ അസ്വാഭാവികമായ അനക്കം ശ്രദ്ധയിൽ പെട്ട ഉമ രാജക് എന്ന പെൺകുട്ടി അദ്ധ്യാപകനെ സമീപിച്ചതോടെയാണ് ഞെട്ടിക്കുന്ന സംഭവം പുറത്തറിഞ്ഞത്.
പെൺകുട്ടിയുടെ ബാഗ് കൈയ്യിലെടുത്ത അദ്ധ്യാപകൻ ശ്രദ്ധാപൂർവ്വം അതിൽ നിന്നും പുസ്തകങ്ങളും മറ്റ് വസ്തുക്കളും ഓരോന്നായി നീക്കം ചെയ്തു. തുടർന്ന് കാലിയായ ബാഗ് കുടഞ്ഞപ്പോൾ അതിൽ നിന്നും കരിമൂർഖൻ പത്തി വിടർത്തി പുറത്ത് ചാടുകയായിരുന്നു.
ഭാഗ്യത്തിന് അദ്ധ്യാപകനും പെൺകുട്ടിക്കും അപകടമൊന്നും സംഭവിച്ചില്ല. പുറത്തിറങ്ങിയ ശേഷം പാമ്പ്, ശാന്തമായി കുറ്റിക്കാട്ടിലേക്ക് ഇഴഞ്ഞ് പോവുകയായിരുന്നു. ഇതിന്റെ വീഡിയോ സാമൂഹിക മാദ്ധ്യമങ്ങളിൽ വ്യാപകമായി പ്രചരിക്കുകയാണ്.
कक्षा 10 की छात्रा कु. उमा रजक के बैग से, घर से स्कूल आकर जैसे ही बैग खोला तो छात्रा को कुछ आभाष हुआ तो शिक्षक से शिकायत की, कि बस्ते में अंदर कुछ है, छात्रा के बैग को स्कूल के बाहर ले जाकर खोला तो बैग के अंदर से एक नागिन बाहर निकली, यह घटना दतिया जिले के बड़ोनी स्कूल की है। pic.twitter.com/HWKB3nktza
— Karan Vashistha BJP 🇮🇳 (@Karan4BJP) September 22, 2022
Comments