ക്ഷീണവും ശരീരതളർച്ചയും മാറാൻ ചൂട് കഞ്ഞി അത്യുത്തമമെന്നാണ് പണ്ടുള്ളവർ പറയാറ്. അസത്ര കഞ്ഞിയാണെങ്കിൽ ബഹുകേമമായി കാര്യങ്ങൾ. മത്തങ്ങയും എത്തക്കയും ചേമ്പും കാച്ചിലും കൂർക്കയും തേങ്ങയും എല്ലാം ചേർന്നുള്ള ഈ വിഭവം നമുക്ക് വീട്ടിലുണ്ടാക്കി നോക്കിയാലോ?
വേണ്ട ചേരുവകൾ
ചേന 200 ഗ്രാം,ചേമ്പ് 50 ഗ്രാം,കാച്ചിൽ 50 ഗ്രാം,കൂർക്ക 50 ഗ്രാം,അച്ചിങ്ങ പയർ 20 ഗ്രാം,കപ്പ ചെറിയ ഒരു കഷ്ണം,വൻപയർ ( തലേന്ന് വെള്ളത്തിൽ കുതിർത്തു എടുത്തത് ) ഒരു കപ്പ്,ത്തങ്ങ 20 ഗ്രാം,ഏത്തക്ക ഒരെണ്ണം,പച്ചമുളക് 4,തൈര് 1 സ്പൂൺ,ഉപ്പ് പാകത്തിന്,വെള്ളം ആവശ്യത്തിന്
അരപ്പിന് ആവശ്യമായ സാധനങ്ങൾ
ഒരു തേങ്ങ മുഴുവൻ തിരുമിയത്,ജീരകം ഒരു ടി സ്പൂൺ,വേപ്പില കുറച്ച്,വെളുത്തുള്ളി 5 അല്ലി,മഞ്ഞൾപ്പൊടി കാൽ ടി സ്പൂൺ,മുളക് പൊടി അര ടി സ്പൂൺ,ഉപ്പ് കുറച്ച്
താളിക്കാൻ
തേങ്ങ തിരുമ്മിയത് -ഒരു ടേബിൾസ്പൂൺ,കടുക് ഒരു ടി സ്പൂൺ,വറ്റൽ മുളക് 2,കറി വേപ്പില ഒരു തണ്ട്,എണ്ണ- 2 ടേബിൾസ്പൂൺ,
തയ്യാറാക്കുന്ന വിധം
ആദ്യമായി വൻപയർ വേവിച്ചു മാറ്റി വെയ്ക്കുക.വേവിച്ചു വെച്ചിരിക്കുന്ന വൻപയറും മുകളിൽ പറഞ്ഞ പച്ചക്കറികളും കിഴങ്ങുകളും സാമ്പറിന് കഷ്ണം ആക്കുന്ന പോലെ ആക്കി ഉപ്പും ഒരു നുള്ള് മഞ്ഞൾപ്പൊടിയും കാൽ ടി സ്പൂൺ മുളകുപൊടിയും ചേർത്ത് പ്രഷർ കുക്കറിൽ വേവിച്ചു എടുകുക.ഇതു നന്നായി ഉടച്ചു എടുക്കാൻ പരുവത്തിൽ ആയിരിക്കണം . ഇതു തവി കൊണ്ട് നന്നായി ഉടക്കുക .
അൽപ്പം കുന്തിരിക്കം പുകച്ചാലോ? കൊതുക് പറന്നു പോകുന്ന വഴി പോലും കാണില്ല
ഇതിലേക്ക് അരച്ച തേങ്ങ മിശ്രിതം ചേർത്ത് നന്നായി തിളപ്പിക്കുക .തിളക്കുമ്പോൾ തന്നെ തീ അണക്കുക . തീ അണച്ചതിനു ശേഷം തൈര് ചേർത്തിളക്കുക
ഈ കറിയിൽ ആദ്യം കടുക്,വേപ്പില ,വറ്റൽ മുളക് താളിച്ച് ഒഴിക്കുക
Comments