ഹർത്താൽ അക്രമം: ഇതുവരെ 349 കേസുകൾ; ഇന്ന് അറസ്റ്റിലായത് 233 പേർ

ഹർത്താൽ ദിനത്തിലെ അക്രമങ്ങളുമായി ബന്ധപ്പെട്ട് സംസ്ഥാനത്തിന്റെ വിവിധ ഭാഗങ്ങളിൽ നിന്നായി ഇന്ന് 233 പേർ കൂടി അറസ്റ്റിലായി. ഇതോടെ ആകെ അറസ്റ്റിലായവരുടെ എണ്ണം 2042 ആയി. ഇതുവരെ 349 കേസുകൾ രജിസ്റ്റർ ചെയ്തു.് 233 പേരാണ് ഇന്ന് അറസ്റ്റിലായത്.

തിരുവനന്തപുരം സിറ്റിയിൽ ഇതുവരെ 25 കേസുകളാണ് രജിസ്റ്റർ ചെയ്തത്. 25 കേസുകളിൽ 62 പേരാണ് അറസ്റ്റിലായത്. തിരുവനന്തപുരം റൂറൽ മേഖലയിൽ 25 കേസുകളിലായി 154 പേരാണ് പിടിയിലായത്. കൊല്ലം സിറ്റിയിൽ 27 കേസുകളിൽ 196 പേരും കൊല്ലം റൂറലിൽ 15 കേസുകളിലായി 115 പേരും അറസ്റ്റിലായി. 18 കേസുകളാണ് പത്തനംതിട്ടയിൽ രജിസ്റ്റർ ചെയ്തത്. ഇതുവരെ 137 പേരെ കസ്റ്റഡിയിലെടുത്തു.

ആലപ്പുഴ ജില്ലയിൽ ഇതുവരെ 16 കേസുകളിലായി 92 പേർ പിടിയിലായി. കോട്ടയത്ത് 410 പേർ 27 കേസുകളിലായി പിടിയിലായി. ഇടുക്കി ജില്ലയിൽ നാലു കേസുകളാണ് റിപ്പോർട്ട് ചെയ്തത്. 36 പേരെയാണ് പോലീസ് അറസ്റ്റ് ചെയ്തത്. എറണാകുളം സിറ്റിയിൽ 8 കേസ് രജിസ്റ്റർ ചെയ്തു. നിലവിൽ 69 പേരാണ് കസ്റ്റഡിയിലുള്ളത്. എറണാകുളം റൂറലിൽ 17 കേസുകളിലായി 47 പേരെ അറസ്റ്റിലായി. തൃശൂർ സിറ്റിയിൽ 11 കേസുകളിലായി 19 പേരെ അറസ്റ്റ് ചെയ്തപ്പോൾ തൃശൂർ റൂറലിൽ 21 കേസുകളിലായി 21 പേർ പിടിയിലായി.

പാലക്കാട് ജില്ലയിൽ 89 പേരാണ് 7 കേസുകളിലായി അറസ്റ്റിലായത്. മലപ്പുറം ജില്ലയിൽ 34 കേസുകളാണ് റിപ്പോർട്ട് ചെയ്തത്. ആകെ 172 പേരെ പോലീസ് കസ്റ്റഡിയിലെടുത്തത്. കോഴിക്കോട് സിറ്റിയിൽ 18 കേസുകളിലായി 70 പേരും കോഴിക്കോട് റൂറലിൽ 29 കേസുകളിലായി 89 പേരും അറസ്റ്റിലായി. വയനാട് ജില്ലയിൽ 115 പേർ 6 കേസുകളിലായി പിടിയിലായി. കണ്ണൂർ സിറ്റിയിൽ 26 കേസുകളിലായി 70 പേർ പിടിയിലായി. കണ്ണൂർ റൂറലിൽ 9 കേസുകളിലായി 26 പേരാണ് പിടിയിലായത്. കാസർഗോഡ് ജില്ലയിൽ ആറു കേസുകളിലായി 53 പേരും അറസ്റ്റിലായി.