തിരുവനന്തപുരം : തിരുവനന്തപുരം നഗരത്തിൽ പോത്ത് വിരണ്ടോടി. ഒരാളെ ഇടിച്ചിട്ടു. പിന്നാലെ പോത്തിനെ ഫയർഫോഴ്സ് വലയിട്ട് പിടികൂടി.
രാത്രിയോടെയായിരുന്നു സംഭവം. വിരണ്ടോടിയ പോത്ത് മ്യൂസിയത്തിലേക്ക് ഓടിക്കയറുകയായിരുന്നു. തുടർന്ന് ഒരാളെ ഇടിച്ചിട്ടു. മ്യൂസിയത്തിൽ സായാഹ്നസവാരിക്കെത്തിയ ആൾക്കാണ് പരിക്കേറ്റത്. കാലിന് നിസ്സാര പരിക്കേറ്റയാളെ ആശുപത്രിയിലേക്ക് മാറ്റി.
കയറ് കൊണ്ടും വല കൊണ്ടും വേലി തീർത്താണ് പോത്തിനെ അതിസാഹസികമായി പിടികൂടിയത്. പോത്തിന്റെ കൊമ്പിലെ മുറിവ് കൊണ്ടാകാം ഇത് വിരണ്ടോടിയത് എന്ന് ഫയർഫോഴ്സ് ഉദ്യോഗസ്ഥർ പറയുന്നു. അരമണിക്കൂർ പണിപെട്ടാണ് ഇതിനെ വലയിൽ കുരുക്കിയത്. കശാപ്പുശാലയിലേക്ക് കൊണ്ടുപോയ പോത്താണോ വിരണ്ടോടിയത് എന്ന് സംശയമുണ്ട്.
Comments