വനിതാ ഏഷ്യാ കപ്പ്; ശ്രീലങ്കക്കെതിരെ ഇന്ത്യക്ക് തകർപ്പൻ ജയം- India beats Sri Lanka in Women’s Asia Cup

സിൽഹട്ട്: വനിതാ ഏഷ്യാ കപ്പിൽ ശ്രീലങ്കക്കെതിരെ ഇന്ത്യക്ക് തകർപ്പൻ ജയം. 41 റൺസിനാണ് ഇന്ത്യ ശ്രീലങ്കയെ പരാജയപ്പെടുത്തിയത്. ടോസ് നഷ്ടമായി ബാറ്റിംഗിനിയക്കപ്പെട്ട ഇന്ത്യ 20 ഓവറിൽ 6 വിക്കറ്റ് നഷ്ടത്തിൽ 150 റൺസ് നേടി. 53 പന്തിൽ 76 റൺസുമായി ഗംഭീര തിരിച്ചു വരവ് നടത്തിയ ജമീമ റോഡ്രിഗസ് ആണ് ഇന്ത്യയുടെ ടോപ് സ്കോറർ. ക്യാപ്ടൻ ഹർമൻപ്രീത് കൗർ 33 റൺസ് നേടി. ശ്രീലങ്കയ്‌ക്ക് വേണ്ടി രണസിംഗെ 3 വിക്കറ്റ് വീഴ്‌ത്തി.

മറുപടി ബാറ്റിംഗിൽ ശ്രീലങ്കയുടെ പോരാട്ടം 18.2 ഓവറിൽ 109 റൺസിൽ അവസാനിച്ചു. 30 റൺസെടുത്ത ഹാസിനി പെരേരക്കും 26 റൺസെടുത്ത ഹർഷിത മാദവിക്കും മാത്രമാണ് ലങ്കൻ നിരയിൽ പിടിച്ചു നിൽക്കാനായത്. 3 വിക്കറ്റെടുത്ത ദയാളൻ ഹേമലതയും 2 വിക്കറ്റ് വീതം വീഴ്‌ത്തിയ പൂജ വസ്ത്രകാറും ദീപ്തി ശർമ്മയും ചേർന്നാണ് ശ്രീലങ്കയെ തകർത്തത്. രാധാ യാദവിന് ഒരു വിക്കറ്റ് ലഭിച്ചു.