ലോകത്തിൽ തന്നെ ഏറ്റവുമധികം ആളുകൾ ഉപയോഗിക്കുന്ന ഇൻസ്റ്റന്റ് മെസേജ് ആപ്ലിക്കേഷനുകളിൽ ഒന്നാണ് വാട്സാപ്പ്. കുറച്ച് കാലം കൊണ്ട് ഏറെ ജനപ്രീതി നേടിയ ഈ ആപ്ലിക്കേഷൻ വളരെയധികം യൂസർ ഫ്രണ്ട്ലി ആണ്. നിരവധി ഫീച്ചഴേസ് ഉള്ള ഈ ആപ്പിൽ നാം സ്ഥിരമായി പ്രയോഗിക്കാറുള്ള ഒന്നാണ് ഡിലീറ്റ് മെസേജ് എന്ന ഓപ്ഷൻ. അയച്ച സന്ദേശം തെറ്റായെന്ന് തോന്നുമ്പോഴോ അയക്കേണ്ടിയിരുന്നില്ല എന്ന് തോന്നുമ്പോഴോ സ്വീകർത്താവ് മെസേജ് കാണരുതെന്ന് ചിന്തിക്കുമ്പോഴോ ഒക്കെ ഉപയോഗിക്കാൻ കഴിയുന്ന ഓപ്ഷനാണിത്.
സന്ദേശം അയച്ച് രണ്ട് ദിവസം വരെ സ്വീകർത്താവിന് കാണാൻ കഴിയാത്ത വിധത്തിൽ ഡിലീറ്റ് ചെയ്യാനുള്ള ഓപ്ഷനാണ് നിലവിലുള്ളത്. എന്നാൽ വാട്സാപ്പ് തുറക്കുന്ന സമയത്ത് മെസേജ് ഡിലീറ്റ് ചെയ്യപ്പെട്ടതായി കാണുമ്പോൾ പലപ്പോഴും സ്വീകർത്താവിന് വല്ലാത്ത അസ്വസ്ഥത അനുഭവപ്പെടും. എന്തായിരിക്കും ഡിലീറ്റ് ചെയ്ത മെസേജ് എന്നറിയാനുള്ള ആകാംക്ഷയാണ് ഉണ്ടാകുക. ഡിലീറ്റ് ചെയ്ത മെസേജ് അറിയാൻ ഇതാ ഒരു മാർഗം..
ഇതിനായി മറ്റൊരു ആപ്ലിക്കേഷൻ ( തേർഡ് പാർട്ടി ആപ്പ് ) പ്ലേ സ്റ്റോറിൽ നിന്ന് ഡൗൺലോഡ് ചെയ്യേണ്ടതുണ്ട്. ഗൂഗിൾ പ്ലേ സ്റ്റോറിൽ നിന്ന് Get Deleted Messages എന്ന ആപ്പ് ഡൗൺലോഡ് ചെയ്യുക. ആപ്പ് ഉപയോഗിച്ച് തുടങ്ങാൻ ഫോണിലെ പല ഫീച്ചറുകളുടെയും പെർമിഷൻ നൽകേണ്ടതായി വരും. പെർമിഷൻ നൽകി കഴിഞ്ഞാൽ മറ്റൊരു വാട്സാപ്പ് പോലെ ഈ ആപ്ലിക്കേഷൻ പ്രവർത്തിക്കും. നിങ്ങളുടെ യഥാർത്ഥ വാട്സാപ്പിൽ ഡിലീറ്റ് ചെയ്ത മെസേജ് അറിയണമെങ്കിൽ ഈ ആപ്പിൽ വന്ന് നോക്കിയാൽ മതിയാകും.
ഫോണിന്റെ Notification , Storage തുടങ്ങിയവ ഉപയോഗിക്കുന്നതിനാണ് ആപ്ലിക്കേഷൻ പെർമിഷൻ ചോദിക്കുക. ഇത് enable ചെയ്താലുടൻ ആപ്പ് പ്രവർത്തനക്ഷമമാകും.
എന്നാൽ ഉപഭോക്താക്കൾ ഓർത്തിരിക്കേണ്ട മറ്റൊരു വസ്തുതയെന്തെന്നാൽ ഇത് തേർഡ് പാർട്ടി ആപ്ലിക്കേഷൻ ആണെന്നതാണ്. അതുകൊണ്ടുതന്നെ നമ്മുടെ വാട്സാപ്പിൽ വരുന്ന മെസേജ് ഈ ആപ്പിനും ലഭ്യമാകും. ഇവിടെ ഉപഭോക്താവിന്റെ സ്വകാര്യത നഷ്ടപ്പെടുന്നു. അതിനാൽ ഇത്തരത്തിലുള്ള തേർഡ് പാർട്ടി ആപ്ലിക്കേഷനുകൾ ഉപയോഗിക്കുമ്പോൾ സുരക്ഷാ പ്രശ്നങ്ങളെ കുറിച്ച് ചിന്തിച്ചതിന് ശേഷം മാത്രം ഡൗൺലോഡ് ചെയ്ത് ഉയോഗിക്കുക.
