പലരോഗങ്ങളെയും തുടക്കത്തിലേ കണ്ടെത്തിയാൽ മതിയായ ചികിത്സ നൽകി അവയെ നമുക്ക് സുഖപ്പെടുത്താവുന്നതാണ്. മെഡിക്കൽ ടെസ്റ്റുകളാണ് നമ്മൾ രോഗങ്ങൾ തിരിച്ചറിയുന്നതിനായി സ്വീകരിച്ചുവരുന്ന മാർഗം. എന്നാൽ ചില രോഗങ്ങളുടെ ലക്ഷണങ്ങൾ നമുക്ക് വീട്ടിൽ നിന്നു തന്നെ എളുപ്പത്തിൽ കണ്ടെത്താം. കോൾഡ് സ്റ്റിമുലേഷൻ ടെസ്റ്റെന്നാണ് ഇത് അറിയപ്പെടുന്നത്.
നല്ല തണുത്ത വെള്ളം അല്ലെങ്കിൽ ഐസ് വെള്ളം ഒരു പാത്രത്തിലെടുക്കുക. വിരലറ്റങ്ങൾ ഇതിൽ 30 സെക്കന്റു നേരം മുക്കിപ്പിടിയ്ക്കുക. ഇതിനു ശേഷം പുറത്തെടുക്കാം. വിരലിന്റെ അറ്റം വെള്ളത്തിൽ മുക്കി അൽപസമയം വയ്ക്കുമ്പോൾ ചുളിയുന്നത് സ്വാഭാവികമാണ്. എന്നാൽ, നീല നിറമോ വെള്ളനിറമോ ആണെങ്കിൽ നിങ്ങൾക്ക് ആരോഗ്യപരമായ പ്രശ്നങ്ങളുണ്ടെന്നാണിത് സൂചിപ്പിക്കുന്നത്.
ശരീരത്തിൽ സർക്കുലേഷൻ, അതായത്, രക്തപ്രവാഹത്തിൽ പ്രശ്നങ്ങളുണ്ടെന്നാണ് ഇത് കാണിക്കുന്നത്. ഇത്തരം പ്രശ്നങ്ങളുണ്ടെങ്കിൽ ചെവി, കൈവിരലുകൾ, മൂക്ക് തുടങ്ങിയ ഭാഗത്തേയ്ക്കുള്ള രക്തപ്രവാഹം കുറയുമെന്നാണ് വിദഗ്ധർ പറയുന്നത്. ഈ ഭാഗത്തേയ്ക്കു രക്തം പ്രവഹിക്കാതാകുമ്പോൾ അവിടം കട്ടിയാകും, രക്തക്കുറവു കാരണം വെള്ള, നീല നിറത്തിനു കാരണമാകുകയും ചെയ്യും.
റെയ്നൗഡ് സിൻഡ്രോം
കൈവിരലുകളിലെയും കാൽവിരലുകളിലെയും ചെറിയ രക്തക്കുഴലുകളെ ബാധിക്കുന്ന ഒരു രോഗമാണ് റെയ്നൗഡ്സ് സിൻഡ്രോം. ഇത് രക്തപ്രവാഹത്തിലെ പ്രശ്നങ്ങൾ മൂലമാണ് സംഭവിക്കുന്നത്.ഇത് ചെവിയിലെയോ ചുണ്ടിലെയോ,മൂക്കിലെയോ രക്തക്കുഴലുകളെയാണ് സാധാരണയായി ബാധിക്കാറുള്ളത്.
രക്തപ്രവാഹം വേണ്ട രിതീയിൽ ശരീരത്തിൽ നടക്കാത്തത് ഹാർട്ട് അറ്റാക്ക് ഉൾപ്പെടെയുള്ള പലതരത്തിലുള്ള പ്രശ്നങ്ങൾക്കു കാരണമാകും. തലച്ചോറുൾപ്പെടെയുള്ള ശരീരത്തിന്റെ പ്രധാന അവയവങ്ങളെയുംഈ സർക്കുലേഷൻ പ്രശ്നങ്ങൾ ബാധിക്കും.
Comments