കാൺപൂർ: ഉത്തർ പ്രദേശിലെ കാൺപൂരിൽ ട്രാക്ടർ ട്രോളി കുളത്തിലേക്ക് മറിഞ്ഞ് 25 പേർ മരിച്ചു. മരണപ്പെട്ടവരിൽ 11 പേർ കുട്ടികളും 11 പേർ സ്ത്രീകളുമാണ്. അപകടത്തിൽ പരിക്കേറ്റ നിരവധി പേർ ചികിത്സയിലാണെന്നാണ് വിവരം.
ഉന്നാവിൽ നിന്നും മടങ്ങി വരികയായിരുന്ന തീർത്ഥാടകരാണ് അപകടത്തിൽ പെട്ടത്. പോലീസും നാട്ടുകാരും ചേർന്ന് രക്ഷാപ്രവർത്തനം തുടരുകയാണ്.
ദുരന്തത്തിൽ പ്രധാനമന്ത്രി നരേന്ദ്ര മോദി അഗാധമായ ദു:ഖം രേഖപ്പെടുത്തി. അപകടത്തിൽ പ്രിയപ്പെട്ടവരെ നഷ്ടമായവർക്കൊപ്പമാണ് തന്റെ മനസ്സെന്ന് അദ്ദേഹം ട്വീറ്റ് ചെയ്തു. പരിക്കേറ്റവർ വേഗം സുഖം പ്രാപിക്കാൻ പ്രാർത്ഥിക്കുകയാണ്. ദുരന്തത്തിന് ഇരയായവർക്ക് സാദ്ധ്യമായ എല്ലാ സഹായങ്ങളും പ്രാദേശിക ഭരണകൂടം ചെയ്യുന്നുണ്ടെന്നും പ്രധാനമന്ത്രി അറിയിച്ചു.
Distressed by the tractor-trolley mishap in Kanpur. My thoughts are with all those who have lost their near and dear ones. Prayers with the injured. The local administration is providing all possible assistance to the affected: PM @narendramodi
— PMO India (@PMOIndia) October 1, 2022
അപകടത്തിൽ മരിച്ചവരുടെ ബന്ധുക്കൾക്ക് 2 ലക്ഷം രൂപ വീതവും പരിക്കേറ്റവർക്ക് 50,000 രൂപ വീതവും അടിയന്തിര ധനസഹായം നൽകുമെന്ന് ഉത്തർ പ്രദേശ് മുഖ്യമന്ത്രി യോഗി ആദിത്യനാഥ് അറിയിച്ചു. രക്ഷാപ്രവർത്തനങ്ങളും പരിക്കേറ്റവരുടെ ചികിത്സയും ഏകോപിപ്പിക്കാൻ ഉദ്യോഗസ്ഥർക്ക് അദ്ദേഹം നിർദ്ദേശം നൽകി.
Comments