അയോദ്ധ്യ: പ്രഭാസ് നായകനാകുന്ന ബ്രഹ്മാണ്ഡ ചിത്രം ആദിപുരുഷിന്റെ ടീസർ പുറത്തിറങ്ങി. ഇതിഹാസ കാവ്യം രാമായണത്തെ അധികരിച്ച് ഒരുങ്ങുന്ന ചിത്രത്തിൽ ശ്രീരാമന്റെ വേഷമാണ് പ്രഭാസ് അവതരിപ്പിക്കുന്നത്. അയോദ്ധ്യയിൽ സരയൂ നദീതീരത്ത് വെച്ചായിരുന്നു ടീസർ റിലീസ് ചടങ്ങുകൾ.
ദേശീയ പുരസ്കാരം നേടിയ ‘താനാജി‘ ഒരുക്കിയ ഓം റാവത്ത് ആണ് ആദിപുരുഷ് സംവിധാനം ചെയ്യുന്നത്. ചിത്രത്തിൽ സീതയായി എത്തുന്നത് കൃതി സനോണും ലങ്കേഷ് ആയി എത്തുന്നത് സൈഫ് അലി ഖാനുമാണ്. ഹിന്ദി, കന്നഡ, മലയാളം, തമിഴ്, തെലുങ്ക് ഭാഷകളിൽ ഒരുങ്ങുന്ന ചിത്രം വി എഫ് എക്സിന് വലിയ പ്രാധാന്യം നൽകിയാണ് തയ്യാറാക്കുന്നത്.
2023 ജനുവരി 12നാണ് ചിത്രം റിലീസ് ചെയ്യുന്നത്. ടി സീരീസ് അവതരിപ്പിക്കുന്ന ചിത്രം ഓം റാവത്തിനൊപ്പം ഭൂഷൺ കുമാർ, ക്രിഷൻ കുമാർ, പ്രസാദ് സുതാർ, രാജേഷ് നായർ എന്നിവർ ചേർന്നാണ് നിർമ്മിച്ചിരിക്കുന്നത്. 500 കോടി രൂപയ്ക്കടുത്ത് മുതൽമുടക്കിലാണ് ആദിപുരുഷ് ഒരുങ്ങുന്നത്.
